Print this page

Falsifika Dokumentu Veteranu, MP Husu MAVKLN Tau Atensaun

By September 23, 2020 1148
FALINTIL sira la'o iha kuluna bo'ot FALINTIL sira la'o iha kuluna bo'ot Foto File

Tempotimor (Dili) - Bazeia ba dadus veteranu falsu 500 ne'ebé rejista ona iha Ministériu Públiku (MP) maka husu Ministériu Asuntu Veteranu no Kombatente Libertasaun Nasionál (MAVKLN) atu tau atensaun.

Tuir Prokuradór Jerál Repúblika (PJR), José da Costa Ximenes, númeru dadus falsu kuaze 500 ne'ebé rejistu ona iha MP no balun deside ona.

"Kazu balun deside ona maibé ami preokupa nafatin tanba kazu falsifikasaun ne'e barak tebes," dehan nia, iha Palásiu Prezidensiál Bairru-Pité, hafoin remata enkontru ho PR Lú Olo, Tersa (22/9).

Nia afirma, iha Timor-Leste dokumentu barak mak falsifika, hanesan pasaporte, ijasah, terseira idade nian no mós dokumentu veteranu nian.

"Ha'u ba halo vizita ida iha Maliana, iha ema ida ne'ebé dehan nia veteranu, tanba tama komarka tinan ualu, mas afinál nem tama loron ida," nia hatutan.

Ho kazu sira ne'ebé iha, mak PJR husu MAVKLN fó atensaun ba falsifikasaun veteranu nian.

"Ha'u hanoin Ministériu Asuntu Veteranu no Kombatente Libertasaun Nasionál (MAKLN) tau atensaun didi'ak, tanba dokumentu barak mak falsu, no ida ne'e organizadu tebetebes," nia dehan. (*) 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items