PM Taur: OJE 2020 La'os Selu De'it Divida

Primeiru Ministru (PM), Taur Matan Ruak ko'alia ba media sira hafoin sorumutu ho Prezidente Republika Francisco Guteres Lu-olo iha palasiu prezidensial bairo-pite, kinta (17/09). Primeiru Ministru (PM), Taur Matan Ruak ko'alia ba media sira hafoin sorumutu ho Prezidente Republika Francisco Guteres Lu-olo iha palasiu prezidensial bairo-pite, kinta (17/09). Foto Tempo Timor

Tempotimor (Dili) - Orsamentu Jeral Estadu (OJE) tinan fiskal 2020 tama ona ba prosesu diskusaun iha Parlamentu Nasional.

Diskusaun ne’e halao hafoin Governu aprezenta ba PN iha Tersa (15/9). Governu husu atu orsamentu ne’e diskute ho karakter urjensia tanba iha fulan oin governu sei aprezentaa fali OJE 2021 nian.

Nune’e, hafoin simu proposta OJE 2020, Prezidente PN baixa kedas ba Komisaun C PN, iha loron ida tuir mai, hodi prepara pareser ba diskusaun.

Entretantu, Primeiru Ministru (PM), Taur Matan Ruak hateten, OJE tinan fiskal 2020 balun selu divida no balun lae.

Nia dehan, OJE ba 2020 sei diskute de'it ba fulan-Novembru ho Dezembru nian.

"Orsamentu Jerál Estadu (OJE) 2020 balun selu dividas no balu la'os, tanba orsamentu se ita boot sira haree orsamentu 2020 ne'e, loloos karik orsamentu ne'ebé ita ezekuta tiha ona, tanba janeiru to'o agora duadesimal, kuandu tempu ita deskuti fulan rua November ho Dezembru nian de'it", tenik PM Taur iha Palásiu Prezidensial, Bairru-Pite, Kinta (17/9).

Nune’e, OJE 2020 mós atu selu projetu 143, liuliu ba projetu hirak ne’ebé prienxe rekizitu hodi bele hetan pagamentu.

“Ida ne'ebé ninia dezenvolvimentu diak hotu aprezenta, ita selu. Ida ne'ebé lae, naturalmente ita labele selu, tanba tuir persentajen ne'ebé sira halo hotu nian," dehan PM Taur.

Kona-ba informasaun ne'ebé espala katak, Banku Federal Amerika sei la halo transferensia osan mai Timor-Leste, parte governu sidauk simu karta ruma.

"Hau sidauk simu surat ida, tanba Parlamentu Nasionál aprova orsamentu laiha problema, tanba daudaun ne'e mezmu duadesimal osan laiha ita bele la'o", tenik nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.