SEKoop sei Apoia Eleva Koñesimentu Kooperativa iha Suku Mulo

Sekretáriu estadu kooperativa (SeKoop), Elizário Ferreira foto hamutuk ho grupu kooperativa Lases inklui komunidade sira iha aldeia Tatiri Suku Mulo Postu admistrativu Hatobuiloko Munisípiu Ainaro,Kuarta (16/9) Sekretáriu estadu kooperativa (SeKoop), Elizário Ferreira foto hamutuk ho grupu kooperativa Lases inklui komunidade sira iha aldeia Tatiri Suku Mulo Postu admistrativu Hatobuiloko Munisípiu Ainaro,Kuarta (16/9) Foto Tempo Timor

Tempotimor (Dili) - Sekretáriu Estadu Kooperativa (SEKoop), Elizário Ferreira hateten, prezensa iha Aldeia Tatiri, Suku Mulo, Postu Admistrativu Hatobuiloku, Munisípiu Ainaro, atu hasa'e konesementu ba grupu kooperativa ne'ebé parte husi programa SEKoop nian. 

Elizário hato’o liahirak ne'e bainhira halo vizita ba grupu Koperativa Lases, iha Aldeia Tatiri, Suku Mulo, Postu Hatobuiloko, Ainaro, Kuarta (16/9).

Nia hateten, prezensa iha grupu agrikultura sira-nia leet atu nakfilak ba grupu kooperativa, nune'e iha kapasidade boot hodi kontribui ba dezenvolvementu internu brutu ka hasa'e produsaun rai-laran nian. 

Governante ne'e akresenta, iha parte seluk nu'udar meius atu hasa'e konesementu relasiona ho kooperativa kona-ba planu no programa ne'ebé trasa relasiona ho Sekretária Estadu Kooperativa nian, liuliu ba dezenvolvementu produsaun rai-laran nian.

"Programa Sekretária Estadu Kooperativa nian primeiru loloos mak edukasaun formasaun no informasaun, tanba ne'e mak prezensa iha ne'e hanesan parte husi informasaun," dehan Elizário.

Nia akresenta, depois informasaun kona-ba kooperativa, nia parte sei halo ajenda atu fasilita formasaun grupu kooperativa sira ne’e atu eleva kapasidade nune'e iha konesimentu ne'ebé diak hodi produz ai-han hodi kontribui ba dezenvolvementu ai-han iha Rai laran. (*) 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.