Login to your account

Username *
Password *
Remember Me

Loron 75 Lidera SEKoop, Elizário Harii Ona Kooperativa 8

Sekretáriu Estadu Kooperativa (SEKoop) Elizário Pereira ko'alia ba jornalista sira iha Palásiu Governu hafoin remata enkontru ho PM Taur Matan Ruak. Sekretáriu Estadu Kooperativa (SEKoop) Elizário Pereira ko'alia ba jornalista sira iha Palásiu Governu hafoin remata enkontru ho PM Taur Matan Ruak. Foto Tempo Timor

Tempotimor (Díli)-Iha 23 Juñu 2020, Elizario Pereira hamutuk ho ema nain 20 seluk, hamriik iha palasiu prezidensial hodi simu posse nuudar membru governu foun atu kompleta estrutura governu konstitusional daualu neebé lidera husi Primeiru Ministru Taur Matan Ruak.

Serbisu boot ida ba Sekretariu Estadu Elizario mak oinsa atu kontinua serbisu neebé eis Sekretariu Estadu halo ona ba asuntu kooperativa.

Maske hasoru hela difikuldade balun, liu-liu relasiona ho orsamentu, maibé Elizario konsege hatudu katak konfiansa neebé fó ba nia la saugati deit.

Iha loron 76 nia laran, hahú husi 23 Juñu too 7 Setembru 2020, Sekretariu Estadu nee konsege harii kooperativa foun 8.

"Iha ha'u-nia mandatu 70 dias ne'e harii ona kooperativa foun 8," dehan Elizário hafoin sorumutu ho Sekretariu Estadu Arte no Kultura (SEAK), Sekretária Estadu ba Igualdade no Inkluzaun (SEII) no Sekretáriu Estadu Juventude no Desportu (SEJD) iha Akait, Segunda (07/09).

Kooperativa nee laos harii no husik deit, maibé SEKoop mós buka meius hodi oferese formasaun ba membru kooperativa sira.

Husi kooperativa 8 nee, nia dehan, SEKoop halo ona formasaun ba membru kooperativa nain 18 hodi eleva sira-nia koñesimentu ba hadia jestaun kooperativa.

SEKoop mós sei kontinua halo asesmentu, akompañamentu, no monitorizasaun ba kooperativa sira hodi hein Orsamentu Jeral Estadu atu kontinua implementa programa.

"Ita hein desizaun parlamentu nian ba aprovasaun orsamentu atu bele aselera serbisu sira ne'e ba povu nia di'ak, hodi rekupera fila-fali ekonómia nasaun ninian ne'ebé mak iha hela degradasaun ida durante tinan hirak ne'e," hatete nia.

Entretantu, kooperativa neebé daudauk nee eziste iha TL laran tomak 214 ho membru nain 47.000 no akomoda kapital hamutuk millaun $1.8.

“Inisiativa hahú tau hamutuk ona, estadu iha dever atu reforsa no kondisiona oinsá mak kooperativa sira bele aselera sira-nia kooperativa hodi asegura ba sustentabilidade institusionál no mós sustentabilidade ekonómiku kooperativa nian rasik,” dehan nia.

Daudauk nee, Elizariu hatete, kooperativa kréditu mak sei funsiona hanesan instituisaun, enkuantu restu iha faze ba hadi'a oinsa atu bele funsiona hodi asegura sira-nia sustentabilidade.(*)

Rate this item
(0 votes)
Last modified on Thursday, 10 September 2020 20:58
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter