Tuir Horta, funan husu BNCTL ne’ebé boot sai nu’udar aktu presaun no sei hamate ekonomia iha Timor-Leste.
"Favór, ha'u hatete ba PM no BNCTL, imi labele karega fini todan demais. Imi, BNCTL, mak karrega fini todan demais, imi sei oho ekonomia nasionál, imi impede ka obstakuliza ekonomia nasionál," dehan Horta ba www.tempotimor.com iha nia rezidénsia Metiaut, Tersa (18/08).
Horta afirma, orsamentu ba BNCTL, mai husi orsamentu estadu, tanba ne'e labele karega klienta sira ho maka'as.
"Orsamentu ba BNCTL ne'e fundu mai husi orsamentu estadu, husi governu, ne'e duni imi-nia polítika, tenke tane ekonomia, se jurus ka fini ne'e todan, imposivel, tanba ne'e PM por favór ko'alia maka'as ba señor sira iha BNCTL ne'e. Ko'alia maka'as ba banku sentrál par kontrola banku sira iha Timor, hanesan BNU, Mandiri no sira seluk ne'ebé baibain karega maka'as ba kliente sira, se lae ne'e imposivel ekonomia nasionál di'ak," nia dehan.
Laureadu ne'e akresenta, ezisténsia banku par ajuda ekonomia nasionál, entaun halo investimentu, do jurus ba kliente sira ho kaman, tanba governu mak iha BNCTL nai kotuk hodi tane banku ne'e.
PUBLISIDADE HUSI MOP FO PARABEMS BA LORON FALINTIL