Primeiru Ministru Taur Matan Ruak informa, aprezentasaun preliminaria ne’e, governu hakarak atu hatene kustu hira mak presiza ba rekuperasaun ekonomia no kresimentu ba tinan 2021.
"Entaun ha'u fó hanoin ida katak iha 2021 ne'e saida mak ita sei halo, par depois ita haree nia kustu ne'e hira. Naturalmente ita-nia fokus ba rua ne'e, ida mak mak empregu no ida ba kresimentu ekonomiku,” dehan PM Taur ba jornalista sira iha Palásiu Prezidensiál Bairu-pite Dili, Kinta (30/07).
“Hanesan ita-boot (jornalista) sira hatene, ita hetan informasaun husi banku mundiál no banku sentrál katak ita iha kresimentu negativu, hanesan iha tihan 2017 no 2018 liu bá, entaun oinsa mak hasa'e fali, tenke halo serbisu."