Login to your account

Username *
Password *
Remember Me

Pagamentu Subsídiu Uma-Kain, Governu Gasta Osan Tokon $59.9

Vise Primeira Ministra Asuntu Sosial Armanda Berta dos Santos Vise Primeira Ministra Asuntu Sosial Armanda Berta dos Santos Foto Espesial

Tempotimor (Dili) - Governu liuhosi Ministériu Solidariedade Sosiál no Inkluzaun (MSSI) implementa dekretu lei númeru 15/2020, kona-ba pagamentu ba agregadu familiár nu'udár apoiu umanitáriu.

Husi implementasaun lei ne’e governu gasta osan hamutuk US$ 59.961.700 ba uma-kain hotu iha Timor-Leste durante aplika Estadu Emerjénsia.

Ministra Solidariedade Sosiál, Armanda Berta dos Santos hateten, pagamentu ba agregadu familiár bazeia ba lei númeru 18/2020, dia 14 de Maiu, no implementasaun pagamentu iha 12 munisípiu hahú iha loron 9 Juñu 2020, no pagamentu ba RAEOA iha loron 5-13 Jullu 2020.

"Iha dadus ba uma-kain ho totál 318.527 ho alokasaun orsamentu US$.63.715.800. Totál Uma-kain ne'ebé simu ona subsídiu hamutuk 299.808 no orsamentu ne'ebé selu ona ba uma-kain hirak ne'e hamutuk U$S 59.961.700," dehan vise Priemira MInistra (Vise-PM) ba jornalista sira iha PN, Tersa (28/07)

Nia hateten, husi totál osan ne'ebé halo ona pagamentu, restante iha Banco Nacional Comérçio Timor-Leste (BNCTL) US$ 3.744.200. Entretantu, totál reklamasaun ne’ebé hato'o husi reklamante sira hamutuk 14.175.

"Ita bele dehan ho osan restu sira ne'e sei bele disponivel hodi selu ba reklamante sira. Orsamentu operasionál ba pagamentu ne'e hamutuk US$ 1.291.380, ho nia distribuisaun mai husi governu hamutuk US$ 464.000. Husi ne’e, orsamentu ne'ebé sei restu hamutuk US$ 827.380, ne’ebé antes ne'e aloka mai husi governu Austrália liuhusi PHD,” nia salienta.

Nia dehan, orsamentu ne'ebé restu, governu utiliza ba selu despeza sira hanesan aluga viatura privadu sira ne'ebé MSSI aluga, karreta hamutuk 147, tanba karreta estadu ne'ebé la to'o, hodi haree mós perdiem ba pesoál pagamentu finansas, subsídiu ba OPS, xefe suku, pesoál administrativu suku nian, xefe aldeia hamutuk iha ekipa ne’ebé mai husi suku hamutuk 452 iha TL.

"Liuhosi orsamentu hirak ne’ebé restu, parte ministériu solidariedade sosiál sei implementa dekretu lei númeru 16/200, kona-ba programa pagamentu medida estraordináriu, pagamentu husi 60% ba saláriu médiu, ho saláriu médiu ba rihun 35 traballadór ba setór privadu sira,” nia dehan.

Maski nune'e, nia dehan, kona-ba reklamasaun sira ne’ebé hato’o husi reklamante sira, MSSI no MAE sei halo hela prosesu no espera iha tempu badak bele finaliza ona. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter