Print this page

Seguransa Sosiál Selu ona Kompañia 400

Palasiu Governu Timor Leste Palasiu Governu Timor Leste Foto Google

Tempotimor (Dili) - Institutu Nasionál Seguransa Sosiál (INSS) halo ona pagamentu ba kompañia sira kuaze 60% ka totál kompañia 400 ho totál osan hamutuk tokon US$ 1.5. Kompañia ne’ebé sei iha prosesu laran hamutuk 2.000.

Nia hateten, apoiu diretamente ba traballadór sira maibé prosesu tezouru mós tarde, tanba orsamentu governu tenke transfere no tenke trata dokumentu sira. Tanba ne’e, mak pagamentu tarde maibé la’o nafatin.

"Pagamentu 60% la’o nafatin, laiha kompañia ida mak kansela maibé haree ba pedidu sira ne’ebé mai, tanba pagamentu ne’e ba traballadór la’ós ba kompañia tanba ne’e mak tarde uitoan," dehan Diretór Institutu Nasionál Seguransa Sosiál, Longuinhos Armando, ba jornalista sira, iha Palasiu Governu, Tersa (28/7).

Nia dehan, pagamentu sei liuhusi kompañia mak ba traballadór entaun prosesu bele la’o lais liu, transferénsia ba liu traballadór nune’e presiza haree dokumentu no avalia transfere ona ba banku, maibé balun konta bankária mate halo banku rejeita fila-fali, balun kartaun eleitorál la mós tenke kontaktu no traballadór rasik la responde nune’e han tempu.

"Kompañia ne’e mak hatama governu sei fó tuir nia pedidu, balun husu atu ajuda 60%, balun husu governu atu reembolsa 100%".

Nia hatutan, kompañia ne’ebé la rejistu seguransa sosiál governu sei la ajuda, kompañia ne’ebé rejista iha situasaun nia-laran governu fó tempu to’o 15 Juñu la tama to’o 30 Juñu konsidera sira laiha problema.

"Agora rejista foun taka ona agora daudaun prosesa hirak ne’ebé dokumentu tama, kompañia ne’ebé la rejista sei la hetan tanba la tama iha Institutu Nasionál Seguransa Sosiál nia kritériu".

Nia esplika, kompañia ne’e durante selu traballadór sira-nia saláriu normál, sira husu governu atu reembolsa ba kompañia sira ne’ebé saláriu korte mak ba traballadór balun iha 50% balun 40%.

"Pagamentu ne’e governu la'ós foti osan seguransa sosiál ninian, tanba governu iha ona osan fundu Institutu Nasionál Seguransa Sosiál nian governu la foti". (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items