Login to your account

Username *
Password *
Remember Me

Politika Loke Kampu Serbisu Rihun 60

Tempotimor (Dili)-Governu konstitusional daualu ne’ebé lidera husi Primeiru Ministru Taur Matan Ruak kontinua sira-nia promesa hodi bele reduz númeru dezempregu iha Timor-Leste, liu husi loke kampu serbisu ba Timor-oan sira.

Ho nune’e, Primeiru Ministru Taur Matan Ruak fó orientasaun ba Sekretariu Estadu Formasaun Profisional no Empregu (SEFOPE) Alarico do Rosario atu aselera serbisu hodi reduz dezempregu iha Timor-Leste.

Sekretariu Estadu Alarico hato’o kestaun ne’e hafoin hasoru-malu ho Primeiru Ministru Taur Matan Ruak iha palasiu governu.

"Ohin Primeiru Ministru rekomenda atu aselera serbisu ba oin atu atinze metas ne'ebé atu reduz dezempregu iha Timor-Leste, kada tinan ita tenke redus ita-nia ema iha serbisu rihun 60, tanba ne'e papel SEFOPE atu foti husi rihun 60 ne'e 10 pursentu ou bele liu ida ne'e," dehan nia iha palasiu governu, Kinta (02/07).

Alarico hatete, mekanizmu atu kontribui reduz númeru dezempregu iha Timor-Leste mak tenke kria formasaun hodi bele prepara ema ba serbisu.

"Ita tenke esforsu an ba iha parte area formasaun nian atu haree, prepara ka kapasita ita-nia ema par bele hetan oportunidade ba kompete iha merkadu (serbisu) rai laran no rai laran," dehan nia.

Kona-ba kampu serbisu iha rai li’ur, nia dehan, daudauk ne’e foin halo kooperasaun ho Australia no Korrea, maibé ba futuru sei kria tan kooperasaun ho nasaun seluk.

"Ba futuru sei iha tan (kooperasaun) hanesan Japaun, Kanada, no seluk tan. Ida agora ne'e ita sei ko'alia kona-ba kooperasaun ne'ebe la'o ona," dehan Alarico.

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter