Login to your account

Username *
Password *
Remember Me

Victor Koko Realiza Xanana Nia Mehi Dada Kadoras Sunrise Mai TL

Ministru Petróleo no Minerais (MPM) Victor da Conceição Soares  ko'alia ba Jornalista sira hafoin simu Posse husi Prezidente da Republika iha semana kotuk Ministru Petróleo no Minerais (MPM) Victor da Conceição Soares ko'alia ba Jornalista sira hafoin simu Posse husi Prezidente da Republika iha semana kotuk Foto Arkivu

Tempotimor(Dili)-Ministru Petróleo no Minerais (MPM) Victor da Conceição Soares hatete durante nia mandatu konserteza sei tau prioridade mos ba aktvidade dada Kadoras Mai Timor-Leste.

"Iha hau-nia mandatu konserteza sei iha kontinuasaun ba servisu xefe negoaiadór ba delimitasaun fronteira Tasi Timor Xanana Gusmão ne'ebé governu fó kona-ba dada kadoras mai TL,"deklara MPM Victor da Conceição Soares ba jornalista sira hafoin remata enkontru ho Primeiru Ministru (PM) Taur Matan Ruak iha Palasiu Governu, Kuarta (01/07).

Nia parte sei halo revizaun ba asuntu dada kadoras no presiza deskuti tau orsamentu ba asuntu refere, atu nune'e fasilita di'ak liután servisu hotu-hotu ne'ebe iha ligasaun ho área Ministeriu Petróleo no Minerais nian.

"Enkuantu planu revizaun ba asuntu ida ne'e presiza haree mos ba nesesidade, entaun agora ita presiza deskute, atu nune'e bele mantein aktividade sira ne'ebe konsidera hanesan paradu ne'e," nia dehan.

Molok ne'e governu Timor-Leste ho Austrália halo asinatura akordu foun fronteira marítima iha Nova Iorke, loron tersa (6/03/2018), tempu hanesan iha Dili loron kuarta (7/03) tuku 07.00 dadersan. Iha momentu ne’ebá, Austrália fó sai kedas sira-nia pozisaun kona-ba mina-matan greater sunrise.

Nune'e, Ministra Negósiu Estranjeiru Austrália nian, Julie Bishop, ho Ministru-Adjuntu Primeiru Ministru nian ba Delimitasaun Fronteira Timor-Leste, Hermenegildo Pereira, asina akordu fronteira marítima ne’e ho sasin hosi Sekretáriu Jerál Organizasaun Nasaun Unida (ONU), António Guterres ho Prezidente Komisaun Konsiliasaun, Embaixadór Peter Taksøe-Jensen.

Hafoin asinatura ba akordu fronteira marítima foun ne’e, Xefe Negosiádór Prinsipál, Kay Rala Xanana Gusmão kontinua hala’o diskusaun ho kompañia petrolíferu sira kona-ba konsórsiu sira iha greater sunrise.

Iha fulan-outubru, tinan 2018, ConocoPhillips no Governu Timor-Leste konkorda termu fa’an nian kona-ba partisipasaun iha kampu Greater Sunrise.

Iha loron 16 Abril 2019 Governu Timor-Leste konklui tan hala’o tranzasaun pagamentu (letter of completion”) hodi sosa asaun partisipasaun kompañia Petrolífera ConocoPhillips no Shell Energy iha atividade Petrolífera Greater Sunrise nian, liuhosi Reprezentante Espesial Governu nian, Kay Rala Xanana Gusmao.

Governu Timor-Leste ramata prosesu ne'e sosa partisipasaun hamutuk %30 hosi Conoco Phillips no %26,56 hosi partisipasaun Shell Austrália nian iha kampu sira Greater Sunrise nian, loron 16 abríl 2019, iha Singapura, hodi fó ba TIMOR GAP, kompañia petrolífera nasionál Timor-Leste nian, partisipasaun hamutuk %56,56.

Tranzasaun kona-ba venda ne’e kobre interese partisipativu sira hosi Conoco Phillips no Shell iha kontratu fahe produsaun nian sira 03-19 no 03-20 iha área Konjunta Dezenvolvimentu Petrolíferu ne’ebé harii ona bazeia ba Tratadu Tasi Timor nian, akordu sira jestaun nian ne’ebé iha ligasaun no kontratu sira arrendamentu nian NT/RL2 no NT/RL4 ne’ebé mak Austrália fó-sai.

Hafoin Tratadu kona-ba fronteira marítima entre Estadu rua ne’e hahú vigora, kampu sira hosi Greater Sunrise sei inklui iha área Rejime Espesiál Greater Sunrise nian no sei sujeita ba ezersísiu konjuntu jurisdisaun nian bazeia ba tratadu foun.

Kampu sira hosi gás naturál no kondensadu Sunrise no Troubadour nian, ne’ebé hamutuk hanaran kampu sira Greater Sunrise, lokaliza besik kilómentru 150 iha sudeste Timor-Leste nian no kilómetru 450 iha noroeste Darwin, iha Territóriu Norte Austrália nian.

Timor GAP halo parte ba parseiru sira hosi Konsórsiu Greater Sunrise: Woodside (operadora) ho ida partisipasaun hamutuk 33, 44% no Osaka Gas ho 10%.

Ho finalizasaun transferénsia pagamentu 650 millaun dólar amerikanu ba asaun partisipasaun ConocoPhillips no Shell Energy nian iha atividade Petrolífera Kampu Greater Sunrise nian, mak Timor-Leste ba oin kontrola ona asaun 56% ba Kampu Greater Sunrise liuhosi Kompañia estatal Timor Gap-EP iha konsórsiu.

Nune'e ohin loron ,Timor-Leste halo parte ona sai na’in iha konsórsiu liuhosi Timor-GAP-EP hodi halo atividade preparativu sira atu prosesu hotu-hotu ne’ebé planeia ona bele la’o ho di’ak.

Tan ne'e oitavu governu ne'ebe lidera husi primeiru ministru Taur Matan Ruak fo ona konfiansa ba kargu Foun Ministru Petróleo no Minerais Victor da Conceição Soares atu bele hala'o kontinuasaun ba aktividade asuntu petroleo inklui oinsa mak bele dada kadoras mai TL.

Rate this item
(1 Vote)
Last modified on Wednesday, 01 July 2020 22:51
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter