Login to your account

Username *
Password *
Remember Me

KM Aprova Tetu Orsamentál Millaun $1,492.3 ba OJE 2020

Konsellu Ministru diskute no aprova teto OJE 2020 (29/6) Konsellu Ministru diskute no aprova teto OJE 2020 (29/6) Foto Suplai

Tempotimor (Dili)- Governu liuhusi reuniaun Konsellu Ministru (KM) ne’ebé hala’o iha Palásiu Governu, Dili, aprova tetu Orsamentál ho valór dólar amerikanu millaun 1,492.3 ba Orsamentu Jerál Estadu (OJE) ba tinan finanseiru 2020.

Hafoin reuniaun KM, Ministru Prezidénsia Konsellu Ministru Fidelis Leite Magalhaes liu-husi konferensia imprensa hateten, Prioridade sira ne’ebé defini ona ba OJE 2020 nian maka: estabilizasaun ba setór sosiál ho foka ba saúde, edukasaun, formasaun, bee no saneamentu; estabilizasaun ba setór ekonómiku ho foka ba promosaun investimentu ba setór privadu, kriasaun ba empregu, ba agrikultura, no ba seguransa alimentár no ba polítika makroekonómiku, reforma ba administrasaun públika, ekonomia, sistema judisiáriu no jestaun ba finansa públika.

Bazeia ba prioridade hirak ne’e, 33,8 % hosi valór totál OJE sei aplika ba setór sosiál (8% ba edukasaun, 15% ba protesaun sosiál, 11% ba saúde) no 48,5% ba dezenvolvimentu ekonómiku no infraestrutura (inklui medida ba estabilizasaun ekonómika iha ámbitu KOVID-19 nian).

Fidelis hatutan, Membru Governu sira aprova tiha mós kalendáriu atu halo preparasaun ba OJE 2020 no 2021.

Projetu hosi Proposta Lei ida-ne’e sei aprova iha Konsellu MInistru iha loron-26 fulan agostu no sei submete ba Parlamentu Nasionál hahú iha loron-15 fulan setembru.

Kona-ba kalendáriu ba OJE 2021 nian, preveé tiha katak Konsellu Ministru bele apresia Proposta lei ne’e iha loron-25 fulan setembru no sei submete ba Parlamentu Nasionál to’o loron-15 fulan outubru.

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter