Governu Altera Dekretu Lei ba Subsidiu, Sei La Fó tan 60% ba Empreza

Ministru Prezidénsia Konsellu Ministrus, Fidelis Manuel Leite Magalhães Ministru Prezidénsia Konsellu Ministrus, Fidelis Manuel Leite Magalhães Foto Ofisial

Tempotimor (Dili)-Konsellu Ministru liu husi ninia reuniaun aprova alterasaun dekretu Lei nú. 16/2020, loron 30 Abril, kona-ba medida fó apoiu porsentu 60 ba % ba empreza sira. Ho alterasaun ne’e, governu sei la oferese tan subsidiu 60% iha tempu oin mai.

Ministru Prezidensia Konselu Ministru Fidelis Leite Magalhaes dehan, apoiu porsentu 60 ba empreza sira so ba de'it iha tempu ne'ebe molok ne'e atividade ekonomia paradu.

Tan ne’e, nia hatete, bainhira atividade ekonomia la'o normal ona, governu sei laiha tan apoiu ba sira.

"Situasaun sai di’ak liu tan loron ba loron, iha planu sanitariu no epidemiolojiku no mós iha planu ekonomika, ne'ebé neineik-neineik sei la'o normal fila-fali, tanba ne'e konsidera katak la justifika ona atu fó nafatin apoiu temporariu hafoin fulan Juñu, ne'ebe kria husi Dekretu Lei numeru 16/2020, loron 30 Abril nian," dehan Fidelis iha palasiu governu, Kuarta (24/06).

Nia esplika, subsidiu 60% ne’ebé governu oferese aplika ba kontratu hirak ne'ebé suspende hela ka reduz tiha periodu normal serbisu iha fulan Marsu, Abril, Maiu no Juñu tinan ida ne’e, no mós kontribuisaun sira referente ba fulan hirak ne'e rasik.

Rate this item
(3 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.