Print this page
Ekonomia

Governu Austrália Sei Apoiu TL ba Rekoperasaun Ekonómiku

By June 24, 2020 2501
Primeiru-Ministru Taur Matan Ruak, Tersa-feira lokraik ne’e iha Palásiu GEmbaixador Ausralia Díli, Timor Leste, Embaixador Austrália, Peter Roberts hasoru malu ho Primeiru Ministru VIII Governu Konstitusional, Taur Matan Ruak iha Palasiu Governu Dili (23/6) Primeiru-Ministru Taur Matan Ruak, Tersa-feira lokraik ne’e iha Palásiu GEmbaixador Ausralia Díli, Timor Leste, Embaixador Austrália, Peter Roberts hasoru malu ho Primeiru Ministru VIII Governu Konstitusional, Taur Matan Ruak iha Palasiu Governu Dili (23/6) Foto Midia PM

Tempotimor (Dili)- Embaixadór Austrália iha Timor-Leste (TL), Peter Roberts promete sei servisu hamutuk ho VIII governu konstituisionál hodi apoiu iha rekoperasaun ekonómiku ne'ebé durante ne’e afeita makaas husi surtu Corona Virus Desiase (COVID-19).

Promesa ne’e hato’o, hafoin hasorumalu ho Primeiru Ministru (PM), Taur Matan Ruak iha plasiu governu Dili, (23/06).

Nia parte kontente tebes bele hasoru-malu ho PM Taur Matan Ruak, ne’ebé konsege jere no organiza governu hodi kombate liuliu prevene COVID-19, no orgullu tebes tanba Austrália bele servisu hamutuk ho Timor-Leste iha luta ida ne’e.

"Agora dadaun populasaun Timor-Leste ho Austrália diak tebes tanba hanesan nasaun kolega ka viziñu tenke enfrenta dezafiu hamutuk no ha’u mós ko'alia ho Primeiru Ministru kona-ba vizilánsia kontra COVID-19. Alende ne’e, ba área dezenvolvimentu ekonomia, tanba kriji COVID-19 la'ós impaktu ba saúde de'it maibé ba mós sosiál no ekonomia", dehan Peter.

Nia fiar katak, krizi hanesan oportunidade ba Austrália ho Timor-Leste atu bele servisu hamutuk, liuliu Austrália iha ona komitmentu atu servisu hamutuk ho governu Timor-Leste iha área rekoperasaun ekonomia.

Rate this item
(0 votes)
Tags
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items