Print this page

PN Autoriza Governu Foti Tokon $286,8 husi FP, CNRT Abstein

Plenaria Parlametu Nasional Plenaria Parlametu Nasional Foto File

Tempotimor (Dili)-Parlamentu Nasionál (PN) aprova levantamentu transferénsia daruak husi fundu petrolíferu ho montante tokon $286,8 ba saldo tezouru atu governu ezekuta ba nesesidade estadu nian inklui atu kombate pandemia corona virus deasses 2019 (Covid-19). Enkuantu maioria deputadu husi bankada CNRT fó votus abstensaun.

Iha votasaun ba pedidu governu nian hodi halo levantamentu transferénsia extraordináriu husi FP, deputadu na’in 43 a favór, kontra zero no abstensaun 18.

Hafoin votasaun, deputada CNRT Fernanda Lay deklara, nia vota abstensaun tanba governu la konsege konvense nia.

"Ha'u vota abtensaun, ho rezerva hein katak relatóriu mai PN labele hanesan ho periodu anteriór, maibé tenke tuir periodu ke tuir lei, no mós ha'u lakohi impata reforsu ba tezouru hodi selu de'it ba mákina estadu ate ita iha OJE," dehan Fernanda iha PN, Tersa (23/06).

Deputadu CNRT seluk, Gabriel dos Santos dehan, nia vota abstensaun tanba fondu hasai dala rua ona, maibé iha ezekusaun halo diskriminasaun ba pesoál saúde sira ne'ebé durante ne'e servisu iha liña frente.

Aleinde ne’e, deputadu CNRT António de Carvalho dehan, nia vota abstensaun tanba Ministru nia esplikasaun mak la konvense nia.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items