"Iha situasaun agora ema ida-idak tuur iha nia uma, la faan sasan, mak ita konsidera rekoperasaun ekonomia ne'e ha'u-nia hanoin pesoál ha'u la konkorda," dehan Arão iha PN, Segunda (20/04).

Tuir nia, rekoperasaun ekonomia ne'e so bele koalia bainhira ultrapasa ona krize.

"Ko'alia kona-ba rekoperasaun ekonomia ne'e di'ak liu krize ne'e liu tiha mak ko'alia, tanba ita ko'alia rekoperasaun ekonomia mais ema ida-idak tuur iha nia uma, la faan sasan, oinsa mak ita ko'alia rekoperasaun?" nia kestiona.

Bainhira situasaun la'o normal ona, nia hatutan, foin mak bele fó subsidiu ba ema ida-idak hodi halo negósiu.

"Kuandu situasaun ne'e normal ona mak fó subsidiu ba ema ida-idak par ba faan sasan," nia dehan.

Tanba, nia fó razaun, iha tempu agora ne'e prioridade liu mak ba atendimentu sosiál.

"Agora ne'e prioridade ba atendimentu sosiál ba familia vítima sira par sira bele liu situasaun ne'e," dehan nia.