"Ohin aprezenta dekretu Lei ida atu regulamenta fundus Covid-19, dekretu Lei ne'e ohin ko'alia liu kona-ba knar Konselu administrasaun nian no ko'alia mos kona-ba finalidade fundu ne'e rasik no despezas sira ne'ebe mak kobre husi fundu ne'e", dehan Nia hafoin reuniun Konselu ministru iha Sentru Konvensoes Dili, kurta (8/4).

"Ohin ko'alia mos kona-ba Nia mekanismu oinsa fundu ne'e aprova proposta sira mai husi Konselu inter-ministerial, nune'e ohin aprova duni husi Konselu ministru, maibe sei iha alterasaun balu i espera katak, iha tempu badak haruka ona ba Prezidente Republika atu promulga hodi nune'e ita bele hahu ezekuta fundu Covid-19", Nia hatutan 

Governante ne'e afirma, Mekanismu atu ezekuta orsamentu ba Covid-19 sidauk, tanba iha parlamentu nasional autoriza atu foti husi fundu petrolifeiru hodi finansia fundu ne'e.

"Agora ita foin kria fundu ne'e rasik ne'ebe mak tenke liu husi dekretu Lei, depois de Prezidente Republika promulga tiha ida ne'e mak ita foin bele estabelese ninia mekanismu ezekusaun hanesan mos dekretu de ezekusaun ba orsamentu", Nia esplika

Nune'e foin iha faze ida atu haruka dekretu ba Prezidente Republika promulga, tanba sidauk promulga sidauk bele tau ezekuta orsamentu ba Covid-19 nian.

"Depois Prezidente Republika promulga tiha dekretu Lei mak Finansas loke konta propriu ida iha banku sentra ba orsamentu Covid-19 nian, ho nune'e ita husu pedidu ba iha banku sentar atu transfer montante ba iha konta ne'e hafoin ita ezekuta", Nia hakotu.