Login to your account

Username *
Password *
Remember Me

CNRT, KHUNTO, Maioria PD Vota Kontra Diskusaun Urjénsia LOJF, Governu Labele Sosa Ekipamentu Teste Covid-19 

Ministra Financas Interina, Sara Lobo Brites Ministra Financas Interina, Sara Lobo Brites Foto arkivu

Tempotimor (Dili) - Governu aprezenta pedidu diskusaun ba alterasaun Lei Orsamentu Jestaun Finanseiru (LOJF) hodi sosa ekipamentu médiku ba prevensaun moras Coronavirus Disease 2019 (Covid-19) husi nasaun Xina. 

Maski nune'e, Parlamentu Nasionál 'politiza' hodi lakohi halo diskusaun urjénsia ba alterasaun Lei Orsamentu Jestaun Finanseiru, nune'e fó fleksibilidade ba governu atu antende problema pandemia Covid-19 iha rai-laran. 

Ministra Finansas interina, Sarah Lobo Brites hateten, impaktu karakter urjénsia la pasa mak tempu atu sosa ekipamentu médiku prevensaun ba moras Covid-19 husi Xina ho montante tokon US$ 11 tenke adia fali. 

Nia esplika, ekipamentu ne'e limitadu tanba iha nasaun barak mak presiza urjente hodi bele salva sira nia povu. Maibé, tanba PN lakohi atu halo diskusaun urjénsia maka TL sei lakon oportunidade atu sosa materiál ne'e. 

"Semana ne'e ita tenke konfirma (deal) ba kustu ba ekipamentu sira ne'e purvolta tokon US$ 11. See semana ne'e mak ita la konfirma maka tenke hein fulan tolu maka produs. Tanba nasaun barak maka presiza urjénsia", dehan nia. 

Nia esplika, iha nasaun seluk moras Covid-19 dezenvolvementu lalais loos. Tanba ne'e, presiza ekipamentu ba médiku sira atu proteje sira nia-aan, presiza ventiladór, oksijéniu no fatin. 

"Ita tenke asegura kedas ba ekipamentu sira ne'e no promete ba Xina ita prontu atu asegura ekipamentu no aviaun para lori mai. Urjentemente governu tenke asegura katak tokon US$ 11 ba ekipamentu, ai-moruk tenke konfirma". 

Sarah hatutan, "Finansas labele konfirma tanba pedidu tokon US$ 11 utrapasa tiha ona". 

Nia esplika, orsamentu duadesimu ne'ebé governu iha mak purvolta tokon US$ 2, nune'e labele hatan ba situasaun emerjénsia hanesan ameasa Covid-19. 

Ministra Finansas interina dehan, governu presiza osan atu hatan ba situasaun emerjénsia, maibé deputadu sira trata emerjénsia ho polítika. 

"Problema barak liu, maibe situasaun polítika rai-laran ne'e mak halo ita aprezenta situasaun ida emerjénsia la trata ho emerjénsia maibé trata fali ho polítika," dehan Sarah. 

Entretantu, rezultadu votasaun ba diskusaun urjénsia alterasaun Lei Orsamentu Jestaun Finanseiru (LOFJ) vota kontra 33 no afavór 31. 

Deputadu sira ne'ebé vota kontra pedidu ne'e husi partidu koligasaun foun Partidu CNRT, PD, KHUNTO, UDT, FM no PUDD. Entrerantu, deputadu Partidu FRETILIN, PLP no Deputadu ida husi PD rasik konkorda atu halo diskusaun urjénsia ba alterasaun LOJF hodi responde ba situasaun emerjénsia kona-ba Covid-19. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter