Tuir ministru asesu ba internet ho fibra optika sei ajuda konsumidor sira ho lalais iha area infarmasaun no teknolojia.

Ministru Agostinho hatutan, fibra optika ne'e mos bele dada investidór estranjeiru sira atu bele mai investe.

"Mundu ohin loron ne’e mundu digital, teknolojia ne’e avansadu, entaun ita mós tenke la’o tuir avansadu ida ne’e", tenik nia.

Maski nune'e, Governu rasik seidauk iha desizaun ruma atu kontinua politika dada fibra optika mai Timor-Leste.

Tanba ne'e, inter-ministerial hanesan MTK no MPIE sei tuur hamutuk hodi avalia fila-fali vantajen, benefisiu, no importansia husi dada fibra optika mai Timor-Leste.