Oan Soru: La Investe, Veteranu Nia Oan sei Tata Liman Haree de'it Traidór Nia Oan

Sekretariu Estadu asuntu Kombatentes Libertasaun Nasionál, Gil da Costa Monteiro "Oan Soru" Sekretariu Estadu asuntu Kombatentes Libertasaun Nasionál, Gil da Costa Monteiro "Oan Soru" Foto Suplai

Tempotimor (Dili)-Planu Sekretariu Estadu asuntu Kombatentes Libertasaun Nasionál hodi ko'a veteranu sira-nia osan kada fulan atu bele garante iha futuru veteranus nia oan sira sei la tata liman haree traidór nia oan.

Sekretariu Estadu Gil da Costa Monteiro "Oan Soru" deklara kestaun ne'e relasiona ho kritika husi deputadu iha Parlamentu Nasionál relasiona ho politika governu atu koa veteranu sira-nia osan $30 kada fulan.

Lee mós: deputadu husu legalidade koa osan veteranus 30 kada fulan

Nia dehan, governu hanoin atu oinsa prepara kondisaun ba veteranu sira-nia oan iha futuru atu labele taka dalan ka fó hela todan ba sira.

"Inan-aman (veteranus) simu pensaun, maibé kuandu mate oan sira hela la hetan ona pensaun, tanba ne'e presiza prepara kondisaun ba futuru," dehan Oan Soru hafoin hasoru-malu ho Primeiru Ministru Taur Matan Ruak iha Palasiu Governu, Segunda (03/02).

Nia fó ezemplu hanesan saudozu Hudo nia kaben ne'ebé simu pensaun, maibé bainhira mate Lei la fó dalan ba nia nia oan sira atu simu pensaun.

"Ho situasaun sira ne'ebé akontese fanu veteranu sira par bele prepara aan ona la'o ba oin, maske ho prosesu defisil, maibé tenke koko ona agora. Se lakohi koko mak ba futuru, maske aman sira halo tiha funu maibé oan sira hela tuur tata liman iha sira ne'ebé uluk lakohi ukun aan nia oan nia oin," dehan nia.

Kona-ba enkontru ho PM Taur, Sekretariu Estadu ne'e esplika, nia hasoru PM Taur hodi prepara politika ba veteranu sira-nia oan nia futuru.

"Prepara politika ba veteranu sira-nia oan nia futuru, ho ida ne'e primeiru ministru Taur Matan Ruak bolu ha'u atu esplika ba ida ne'e," dehan nia.

Rate this item
(1 Vote)
Last modified on Tuesday, 04 February 2020 01:37
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com