Print this page

CCI-TL: Impase Polítika Ameasa Setór Produtivu TL

By February 03, 2020 1886
Prezidente CCI-TL ko'alia ba midia hafoin sorumutuk ho Prezidente da Republika iha Palasiu Prezidensial (03/02) Prezidente CCI-TL ko'alia ba midia hafoin sorumutuk ho Prezidente da Republika iha Palasiu Prezidensial (03/02) Foto Midia PR
Tempotimor (Dili) - Câmara Comércio e  Industria Timor-Leste (CCI-TL) konsidera ekonomia Timor tuun makaas hafoin impase polítika iha nasaun ne'e kontinua la hetan finalidade.
Prezidente CCI-TL, Óscar Lima dehan, dadaun ekonomia Timor hakdasak tebes, setór produtivu sira ameasa taka tanba impase la'o durante tempu naruk ona.

"Laos deit setór privadu, kuaze setór hotu-hotu enfrenta situasaun ne'ebé la di'ak. La di'ak tanba ekonomia hakdasak tebe-tebes," dehan nia, iha Palásiu Prezidensiál, Bairru-Pité, Segunda (3/2).

Óscar esplika, situasaun inserteza polítika fó impaktu ba ekonomia Timor sai grave. Kuandu nafatin hanesan ne'e maka sei fó depresaun ekonomia ne'ebé ninia kauza ba setór privadu labele halo atividade ekonomia.

Empreza balun tenke hasai nia funsionáriu tanba kapasidade kompra mós tuun tebe-tebes, setór produtivu sira mós hahú iha ameasa taka.

CCI-TL mós konsidera situasaun polítika mosu halo investidór sira sei ta'uk mai investe iha Timor.

Entertantu, situasaun polítika kontinua la'o iha inserteza laran hafoin Orsamentu Jerál Estadu (OJE) tinan fiskál 2020 xumba, iha Parlamentu Nasionál, foin lalais ne'e. (*)
 
 
 
 
Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items