"Ami lakohi, ne'e direitu ami hanesan emprezariu, hanesan mós sidadaun timorense," dehan Prezidente CCI-TL, Óscar Lima, iha Palásiu Prezidensiál, Bairru-Pité, Segunda (3/2).
Óscar Lima akresenta, hanesan povu no emprezariu iha direitu atu hato'o hanoin ba Prezidente Repúblika katak la konkorda kuandu mosu eleisaun antesipada.
CCI-TL la konkorda eleisaun antesipada tanba setór privadu la preparadu no konsidera ekonomia Timor-Leste la'o hakdasak tanba impaktu husi impase polítika rasik.
Karik ikus Prezidente Repúblika deside eleisaun antesipada, Óscar dehan, Prezidente iha direitu atu foti desizaun tuir konstitusaun no prontu simu desizaun tomak bainhira foti.
CCI-TL rasik mos ejize ba lider sira atu tuur hamutuk rezolve lalais impase polítika ne'e, tanba povu mak sei kontinua terus bainhira situasaun kontinua nune'e nafatin. (*)