Deputada Bankada FRETILIN Lidya Norberta durante debate proposta OJE 2020 iha Parlamentu Nasionál dehan, Governu AMP halo alokasaun osan iha OJE 2020 barak liu mak la loos.
"Ami dehan salah kamar tanba orsamentu atu sosa ro rua ba patrollamentu mosu fali iha bens no servisus," dehan Lydia hodi fó ezemplu.
Ezemplu seluk, Deputada ne’e dehan, osan ba merenda eskolar ba ba eskola publiku mosu iha bens no servisu no merenda eskolar ba eskola privadu mosu fali iha transferensia públika.
Ho failansu ida ne’e, nia husu ba ministeriu relevante sira atu bele halo esplikasaun klaru ho nune'e bele halo alokasaun ho loos antes atu ba aprovasaun.