Print this page

Projetu 143 Kontinua Kria Konfuzaun

By January 15, 2020 1439
Deputadu sira iha plenaria Parlamentu Nasional foti kartaun votus Deputadu sira iha plenaria Parlamentu Nasional foti kartaun votus Foto Arkivu

Tempotimor (Dili) - Destinu pagamentu ba projetu emerjénsia hamutuk 143 ne'ebé fahe iha tempu kampaiña 2007 kontinua hamosu konfuzaun.


Projetu ne'e tuir loloos halo ona pagamentu ho Orsamentu Jerál Estadu (OJE) tinan fiskál 2018 no 2019, maibé Governu seidauk ezekuta hotu tanba mosu dúvida boot.

Tanba pagamentu ne'ebé la klaru, maka iha OJE 2020 Komisaun C PN kontinua hatama iha relatóriu pareser.

Prezidente Komisaun C PN, Fernanda Lay hateten, projetu 143 iha OJE 2018 no 2019 aprova ona osan atu halo pagamentu, maibé projetu balun seidauk hetan pagamentu.

Iha audiénsia, Komisaun C PN hato'o ona ba Ministra Finansas no Vise-Ministru Obras Pùblika, maibé prosesu pagamentu ne'e sira dudu fali ba Ministériu Planeamentu Investimentu no Estratéjiku (MPIE).

Husi totál projetu 143 iha projetu ida maka mosu kontratu duplikasaun no projetu 98 maka iha kontratu no sira ne'ebé hetan ona pagamentu hamutuk 73 inklui projetu adisionál 11, nune'e totál projetu ne'ebé hetan pagamentu iha 84.

Razaun Komisaun C PN tau nafatin iha relatóriu pareser tanba Ministériu Finansas la anúnsia lista pagamentu ba projetu sanulu (10) ne'ebé seidauk hetan aprovasaun husi Ajénsia Dezenvolvimentu Nasionál (ADN).

Antes ne'e, Parlamentu Nasionál kria Komisaun Inkéritu Parlamentár (KIP) hodi halo investigasaun ba projetu hirak ne'e, maibe relatóriu komisaun nian la pasa iha votasaun tanba membru KIP sira defende ida-idak ninia interese.

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items