Ulun Bo'ot SERVER, Florencio Sanches
Foto suplai
Tempotimor (Dili) – Serbisu Rejistu Verifikasaun Emprezariál (SERVE), simu pedidu husi komersiante internasionál tolu, ne’ebé husu atu taka provizóriu sira-nia atividade komersiál, tanba menus kompradores.
Diretór Ezekutivu SERVE, Florêncio Sanches hatete, pedidu tolu ne’ebé SERVE simu ne’e la’ós hala’o atividade investimentu bo’ot. Maibé atividade komersiál.
Nia dehan, razaun negosiante komersiál tolu ne’e, desidi hapara sira nia atividade komérsiu provizóriu, tanba reseitas ne’ebé sira hetan menus. Maski, sira mós tenki selu arredamentu ba uma ne’ebé sira aluga, selu taxa, selu eletrisidade inklui selu funsionáriu sira.
“Iha ha'u nia intervensaun, ha'u hatete ba sira satu lalika taka kompañia. Taka mak atividade de’it. Tanba, kompañia moris hela, mais atividade la la’o. Ida ne’e polítika governu nian atu labele hamate setór privadu sira,” dehan Florêncio Sanches, Segunda (16/12/19) iha ninia knaar fatin, Matadouro, Dili.
Tuir Sanches, situasaun ida ne'e sei di'ak kompara ho tinan rua liubá, ne'ebé SERVE simu pedidu taka atividade komérsiu hamutuk 100.
Tempo Timor
Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.
Jornalista Jornal Tempo Timor, bandu atu hetan envelope ka sasan ruma husi fontes informasaun sira.
www.tempotimor.com
