Primeiru-Ministru (PM), Xanana konsidera produsaun filme ne’e importante tebes hodi hakerek hikas istória osan mean entre povu Timor-Leste hasoru militár Indonézia.

Xefe Governu hato’o apresiasaun no apoia ba produsaun filme ne’e, tanba ho filme ne’ebé sei prodús bele hametin liután relasaun emosional entre povu no nasaun rua.

Diretora PT. PT. Widyaiswara Revolusi Sejati, Wahyuni Refi, informa programa atu produz filme dokumentáriu ne’e haree liuba relasaun bilaterál no paz entre pais rua nia iha pasadu ne’ebé liga mai povu sira-nia moris to’o ohin loron sai referénsia dame ba mundu.

“Ami husi PT. Widyaiswara sei produz filme ida tanba ne’e ami mai hasoru Primeiru Ministru, Kay Rala Xanana Gusmão hodi husu hanoin, no Primeiru Ministru konsidera inisiativa ne’e di’ak, ami mós hato’o títulu ba filme mak kona-ba fraternidade Indonézia ho Timor-Leste, hodi haree ba istória pasadu entre nasaun rua nian to’o mai agora povu rai rua ne’e haree malu di’ak hanesan maun ho alin ne’e importante tebese”, informa Diretora Wahyuni Refi, hafoin ho ekipa enkontru ho PM Xanana iha Gabinete Fronteira Maritima, Palásiu Governu.

Filme sira ne’e sei peduz haree liuba labarik sira ne’ebé lakon iha tempu funu, no labarik balun ne’ebé jeneral no militár Indonézia foti iha ai-laran hodi tau matan (hakiak) hanesan kazu labarik lakon, Bobby 'Elito' oan Mane boot, Jeneral Reformadu, Lere Anan Timor nian no labarik seluk tan.

Ba obrjetivu filme ne’e atu haree liuba aspetu relasaun istória entre Timor-Leste ho Indonézia, no umanidade, atu nasaun rua aprende no lori ba Festival Internasionál.

Programa atu produz filme ne’e ekipa hahú aprezenta ba Timor-Leste ba dala rua ona, ekipa husi hala’o ona peskiza hodi vizita munisípiu balun hanesan Lautém, no fatin sira ne’ebé durante ne’e hanesan fatin ne’ebé militár Indonézia sira uza hodi hasoru Timoroan iha pasadu.

Entretantu, durante ne’e Estadu Timor-Leste forma Ekipa Grupu Traballu ba Reúni Labarik-Lakon ne’ebé kompostu husi ANC, AJAR, CVTL, HAK, ACBIT, Gabinete Prezidente Repúblika, no Embaixada Indonézia konsege lori fila ona vitima sira hodi fila mai Timor-Leste hasoru família sira. (*)