"Loja do povu iha buat tolu mak importante, primeiru mak sai sentru komunikasaun, segundu sai fatin depózita ba agrikultura sira, ho asesu produtu importadu sira hodi asesu", dehan nia iha suku Rialau, Munisípiu Manufahi, (25/05).
Nune’e husu ba jestór Loja do Povu labele taka aan hodi koopera parte hotu atu halo negósiu ho di’ak.
Reprezenta Administradór Munisípiu Manufahi atuál Xefe Gabinete Filomeno Tilman, husu ba Governu atu kontinua fasilita jestaun ba membru no jestór sira husi loja do povu.
"Agredese no benvindu ba reprezentante Ministeriu Komersiu no Industria (MTCI) ne'ebé marka ona prezensa iha eventu ida ne'e, kona-ba loja ida ne'e, ita kontinua husu governu atu fasilita jestaun atu sira la'o diak", nia husu.
Diretór Jerál Ministeriu Komersiu no Industria (MTCI), Cosme da Silva mós konsidera loja do povu importante tebes ba povu, tanba fasilita produtór sira atu badinas servisu.
Jestór Loja do povu, Mouzinho Kablaki haktuir, loja do povu ne'e harii iha tinan 2013 no konsege finaliza iha tinan 2023, alokasaun orsamentu ba loja ne’e hamutuk rihun US$50 hodi halo konstrusaun. (*)