Iha Ezekusaun reál OJE 2023 iha fulan dahuluk, trimestre daruak ba Administrasaun Sentrál em termos nominál atinji ona millaun $275,9 husi totál orsamentu alokadu billaun $1,8. Enkuantu Autoridade RAEOA-ZEESM ezekuta ona millaun $5,1 husi orsamentu alokadu millaun $84.

Fundo Espesiál Dezenvolvimentu RAEOA ezekuta ona millaun $1,8 husi totál orsamentu alokadu millaun $36.

Ezekusaun OJE 2023 iha Administrasaun Sentrál aas liu mak iha Liñas Ministeriais ne’ebé ezekuta ona millaun $193,5 husi orsamentu alokadu billaun $1,2. Tuir kedan ho Ajénsia Autónomas ho nia ezekusaun atinji ona millaun $44,6 husi orsamentu alokadu millaun $218,3. Autoridade Munisipál sira ezekuta ona millaun $29 husi orsamentu alokadu millaun $81,3.

Ba Fundu Infraestrutura (FI) ezekuta ona millaun $5,2 husi orsamentu alokadu millaun $202,7. Enkuantu Fundu Dezenvolvimentu Kapitál Umanu ezekuta ona millaun $2,6 husi orsamentu alokadu millaun $17,8. Enkuantu Fundu Covid-19 ezekuta ona millaun besik $1.

Iha Primeiru Trimestre 2023, Ministériu Finansas halo ona levantamentu osan husi Fundu Minarai ho montante millaun $300 ka 22% husi totál orsamentu billaun $1,3 ne’ebé mak Parlamentu Nasionál aprova ona liuhusi Lei OJE 2023.

Iha tinan 2022, ezekusaun reál OJE 2022 em termos nominál atinji billaun $1,743. Valór nominál ida-ne’e mak aas liu iha istória Timor-Leste no konsege ultrapassa ezekusaun reál OJE 2016 iha ne’ebé Governu konsege ezekuta billaun $1,630.

Ho ezekusaun reál OJE 2022 ne’ebé fenomenál-sa’e 7% kompara ho ezekusaun reál OJE 2016-hatudu katak kapasidade ezekusaun orsamentál iha liña ministerial sira mós aumenta. Atu mantein ritmu no kapasidade ezekusaun ida-ne’e, presiza investimentu kontínuu iha área rekursu umanu, iha sistema inklui iha enkuadramentu legal sira. (*)