Nune’e husu dirijente sira atu halo tuir regra sira atu kooperativa kréditu uniaun labele mate iha dalan klaran.

"Imi tenke halo tuir jesus kristu nia modelu, nia husik Maromak mai moris iha mundu, nune'e nia presiza ema na'in 12 hodi ajuda nia, maske balu nega nia, balu la fiar no balun fa'an nia", dehan nia iha Suku Makili, Segunda (24/04).

Formasaun ne'e parte Diresaun Nasional Edukasaun Formasaun no Informasaun (DNEFI) ne'ebé lidera husi Jacinta dos Santos no dadaun kooperativa iha tan ramu ida ne'ebé ko'alia kona-ba solidariadade fraternidade umanus atu ema hotu moris hanesan.

Administradór Munisípiu Ataúru, Domingos Soares mós husu ba dirijente sira kontinua aprende doutrina kooperativa atu ema hotu bele envolve iha kooperativa.

"Ne'e previlejiu tanba bele konvense no lori doutrina kooperativa hodi ba tama iha kooperativa no bele lori vantagen di'ak ba moris, maibé kontinua lori benefísiu ba suku sira seluk iha Ataúru laran tomak", dehan nia

Nune'e Xefe Suku Maquili, Júlio Aco Gomes afirma, koperativa iha Ataúru lubuk ida ona, entaun liuhosi formasaun sira ne'e bele aumenta tan sira nia koñesimentu iha vida kooperativa.

"Bele hadi’a tutan komunidade nia moris, tanba hamutuk ho kooperativa forsa liu hodi prense kondisaun iha suku Makili, atu ontinua la'o ba oin hadi’a suku Makili", nia afirma.

Alende ne’e, SEKOOP mós halo abertura ba formasaun hanesan iha suku Bikeli.

Tuir relatóriu anuál fulan dezembru tinan 2022, kooperativa hamutuk 442 no seidauk konta ho fulan janeiru to'o abríl tinan 2023. (*)