Print this page

Governu Harii Uma-5 ba Komunidade Sobrevivente 12 Novembru

By January 29, 2023 856
Uma ne'ebé Governu fó ba benefisiariu Sobrevivente 12 Novembru, Tomas de Carvalho, iha Ailok Laran, Dili. Uma ne'ebé Governu fó ba benefisiariu Sobrevivente 12 Novembru, Tomas de Carvalho, iha Ailok Laran, Dili. Foto Suplay

Tempotimor (Dili)-Governu liuhusi Servisu Apoiu Soseidade Sivil no Auditória Sosial-Primeiru Ministru (SASSAS-PM) harii ona uma-5 ba komunidade sobrevivente 12 Novembru.

Enkuantu uma ne'ebé atu harii ba komunidade vuneravel sobrevivente 12 Novembru, uma 3 halo iha Dili, uma-ida halo iha Munisípiu Manufahi, inklui uma-ida iha Munisípiu Vikeke, ne’ebé kada uma-ida, konstrusaun ho totál orsamentu US$9.150.00.

Tuir informasaun ne'ebé www.tempotimor.com asesu iha pajina ofisial, SASSAS-PM, loron Sabadu (28/01) katak, Diretór Adjunto Subvensaun Públika, Isaias Soares Guterres, hatete, atu halo uma ba sobrivivente sira, SASSAS sempre tau ba preoridade, maibé depende ba proposta ne’ebe parte Komite 12 Novembru submete ba iha SASSAS.

Tanba misaun SASSAS nian, hanesan liman ain Governu nian hodi tau matan ba Organizasaun Sosiedade Sivil hotu inklui Organizasaun Rezisténsia, hanesan Komite 12 de Novembru.

Nune'e, Prezidente Komite 12 de Novembru, Grigorio Saldanha, kongratula VIII Governu Konstituisionál ne’ebé lidera husi Primeiru Ministru, Taur Matan Ruak, liuhusi SASSAS tau matan nafatin ba komunidade sira liu-liu Sobrivivente 12 Novembru.

Tanba rezultadu ba indepedelénsia mak sidadaun hotu tenki moris di'ak no dignu, tanba ne’e, Governu nafatin hala'o nia kna’ar nei-neik, maibé ba bei-beik, hodi atinji ba metas ukun rasik aan nia.

Entretantu iha fulan-janeiru tinan 2023, Diretór Adjunto Isaias Soares Guterres hamutuk ho Prezidente Komite 12 Novembru Grigorio Saldanha inagura ona uma ne'ebé Goveru fó apoiu ba benefisiariu Sobrevivente 12 Novembru, Tomas de Carvalho, iha Ailok Laran Dili. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items