Print this page

Governu Hasa'e Taxa Masin-Midar fo Impaktu ba Industria Ki'ik

By January 26, 2023 516
Prezidente Assosiasaun Tane Konsumidor, António Ramos Prezidente Assosiasaun Tane Konsumidor, António Ramos Foto Suplay

Tempotimor (Díli)-Tuir rezultadu peskiza husi Assosiasaun Tane Konsumidor katak, governu hasa’e taxa ba importasaun masin-midar fo impaktu boot ba industrua ki’ik sira.

"Hasa'e impostu seletivu ba Item 4 liuliu ba masin midar, tane halo kedas intervensaun diretamente agora, iha loron 18 fulan ida ne'e ami halo estudu kona-ba foti dadus, impostu seletivu hasa'e folin masin-midar impaktu ba industria ki'ik sira", dehan Prezidente TANE Konsumidor, António Ramor, kinta (26/01).

Razaun fó impaktu direta ba konsumidor sira, tanba fator ida salariu minimu, taxa dezempregu aas, kausa ba konsumidor sira ninia poder kompra.

"Objetivu husi estudu ne'e, impostu ba masin-midar impaktu ba industria kaseira, impaktu mós ba konsumidor sira, liga ba ida ne'e ita presiza fator rua tan ne'ebé mensiona iha leten ne'e", nia esplika.

Tanba, TANE Konsumidor uza ona metode balun hodi halo analiza ba kauza efeitu husi hasa'e folin sasán, ne’ebé fo impaktu industria ki’ik no konsumidor sira.

"Métodu ne'ebé ami uza hodi koleta dadus ba produtu hitu, pisan-goren, bebidas refregirante, este, doze kukus, juice, bolus, boliños no sobremeza", nia afirma.

TANE halo estudu peskiza ne’e, iha estabelesementu ka fa’an fatin sira hanesan iha rotunda Comoro, Bebora, Warung marko-top vila verde, Backry akadiruhun, W4 hudi laran no Amy backry colmera.

"Pisang-goreng ninia impaktu hatun ninia kuantidade molok folin sa'e husi ida fera fahe ba rua, maibé oras ne'e fahe ona ba 3 to'o 4, ninia impaktu ba konsumidor hahú complain, tanba iha ona mudansa wainhira konsumu produtu pisang goreng", tenik nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items