Programa ba UNP, Governu premitidu liuhusi MAE nia kompeténsia no jere husi Programa Nasionál Dezenvolvimentu Suku (PNDS).
"Iha orsamentu Jerál Estadu (OJE ) 2021 nian, ita halo ona Uma Naroman ba Povu hamutuk 1,254, tuir mai, iha OJE tinan 2022, Parlamentu Nasionál aprova ona OJE ba Uma Naroman ba Povu (UNP), ho montante millãun 77, signifika katak, Suku ida sei hetan uma 9 to'o 12), tanba ne'e uma ne'ebé atu harii ba ita nia povu sira hamutuk 4.000, iha tinan 2022", dehan Vise-MAE, Lino de Jesús Torrezão, ne'ebé www.tempotimor.com iha pajina ofisiál MAE, Sabadu (21/01).
Husu ba benefisairu sira atu kuidadu didi'ak no halo manutensaun ba uma refere, hodi uja ba tinan naruk.
Vise-MAE informa, hafoin partisipa oficialmente iha seremonia inagurasaun Uma Naroman ba Povu (UNP) unidade 3 ba dahuluk nian, iha Aldeia Realiku, Suku Maubisse, Postu Administrativu Maubise, Munisípiu Ainaru, ne'ebé partisipa husi Komandante Polísia Nasionál Timor-Leste (PNTL) Munisípiu, Administradór Munisípiu Ainaru, inklui Amo Pároki Maubisse, Veteranu , lia-na'in, dirijente PNDS Munisípiu sira, tékniku ba UNP, Lideransa Komunitária, komunidade nomós estudantes sira. (*)