"Sekretária Estadu Kooperativa ho nia estrutura tomak ami husi Munisípiu observa katak, iha progressu lubuk ida mak ita boot sira halo, mai ita fo basa liman ba SEKOOP", nia apresia hafoin partisipa iha atividade Assembleia Jerál Kooperativa Kréditu Uniaun Bazartete Likisa Maubara (CU BALIMA) nian iha Salaun tokodede Likisa, Kuarta (18/10).

Nia konsidera, progresu ne’e, nu’udar libertasaun povu, maibé atu liberta povu prosesu la fasil, nune’e presiza ema hotu nia kontribuisaun, tanba iha konstituisaun mós define setór sira ne'ebé dezenvolve atu kontribui atinje mehi mak hanesan setór públiku, setór privadu no setór kooperativa.

"Espera ba oin bele dezenvolve di'ak liu tán ekonómia Timor Leste nian", nia espera.

Esperansa boot mós ba Kooperativa CU-BALIMA, ne’ebé hola parte iha kamada importante iha sidade Likisa nian, hodi kontribui ba dezenvolvimentu.

"Ita espera husi CU-BALIMA, primeiru sei motiva komunidade hotu atu partisipa ativu iha dezenvovimentu, segundu sei enkoraja foin sa'e sira atu halo parte iha asaun pozitiva sira", nia dehan.

Alende ne'e, CU-BALIMA sei kria servísu ba komunidade sira ne'ebé envolve iha setór kooperativa, tanba servísu la'os tur iha kantor de'it, maibé servísu mós iha to'os sira. (*)