"Família ne'ebé afeitadu ba projetu rekonstrusaun Airoportu Prezidente Nicolau Lobato Díli ne'e, populasaun totál hamutuk 256 família, daudaun ita halo ona pagamentu ba 105 no totál ne'ebé seidauk pagamentu hamutuk 151 família", dehan nia hafoin sorumutu ho Primeiru Ministru, Taur Matan Ruak, iha palasiu governu, kinta (19/01).

Maibé, governu sei halo hotu, pagamentu indiminizasaun ba komunidade afeitadu sira iha faze daruak.

Família afetadu sira atu hetan indiminizasaun bazea ba tipu uma nian, permanente, semi permanente no provizoriu, sasán, rai no ai-horis.

"Liña Ministerial hotu-hotu sira esforsu makaas hela atu bele finaliza lalais pagamentu ba populasaun ne'ebé afetadu rekonstrusaun ba Airoportu Dili ne'e", nia dehan.

Nune’e, projetu ba rekonstrusaun Airoportu Internasional Prezidente Nicolau Lobato sei halo lansamentu fatuk dahuluk iha fim fulan-fevereiru tinan 2023. (*)