"Objetivu husi sorumutu ne'e aprezenta progresu servisu MTK nian ba sua exelensia Primeiru Ministru, TaurMatan Ruak, ita nia investimentu estratéjiku estadu TL nian iha setor telkomunikasaun kona-ba obra fibra óptika", dehan nia hafoin sorumutu ho Primeiru Ministru, Taur Matan Ruak iha Palasiu Governu, kinta (19/01).
Tanba, iha loron hirak liu-ba Ro-Ahi, ne'ebé halo ona marina sorvey iha tasi Timor no Austrália atu identifika route iha tasi laran.
"Objetivu husi marina sorvey ne'e atu identifika route iha tasi laran karik kabu submarinu ne'e dada mai nia kona iha ne'ebé, haree fotografia iha tasi laran, tasi okos nia luan no naruk hira", nia afirma.
Nune’e, atividade sorvey ba tasi Timor-Leste no Austrália ho durasaun tempu loron 50, ne'ebé akompaña husi ekipa Ro-Ahi marina sorvey servisu hamutuk ho ekipa téknika MTK nian liuhusi diresaun nasionál infrastrutura ba komunikasaun nian.
"Sira halo atividade sorvey marina konklui iha semana rua liu ba kotuk, sira sei hato'o relatóriu no identifika tipu kabu submarinu fibre optika ida ne'ebé kualidade", nia dehan. (*)