Print this page

Governu Prontu Rezolve Lista Reklamante ba Subsidiu US$200

By January 18, 2023 656
Ministru Administrasaun Estatal (MAE), Miguel Pereira de Carvalho. Ministru Administrasaun Estatal (MAE), Miguel Pereira de Carvalho. Foto Suplay

Tempotimor (Dili)-Governu prontu rezolve lista reklamante sira, ne’ebé la hetan subsidiu fim do ano ho montante US$200 ba kada uma-kain iha fulan-dezembru tinan 2022.

Nune’e, Ministru Administrasaun Estatal (MAE), Miguel Pereira de Carvalho orienta ona Administradór Munisípiu sira atu haruka ona dadus mai MAE hodi pasa ba iha Ministériu Solidariedade Sosial no Inkulzaun (MSSI).

"Governu prontu resolve, tanba Primeiru Ministru hato'o ona ba Ministru sira atu trata asuntu ne'e, presiza tebes reklamante nia direitu ne'e", dehan nia hafoin reuniaun Konselu Ministru iha palasiu governu, kuarta (18/01).

Tanba, asuntu ne’e sei servisu hamutuk ho MSSI atu haree dadus kona-ba lista reklamante sira hafoin bele resolve.

"Ha'u hanoin númeru reklamante sei servisu hamutuk ho Ministériu Solidaridade Sosial no Inklusaun atu haree ba dadus sira ne'e", nia dehan.

Nia mós dehan, Governu iha atu tau matan ba nia povu hodi fó solusaun ba problema sira, se labele rezolve governu seluk mai sei iha kontinuidade.

"Benefisiáriu sira ne'ebé atu halo pagamentu, kriteira tenke iha fixa família hetan husi Sede Suku, família eligivel ne'ebé rejistu iha 28 fulan-fevereiru 2022 nian", nia esplika.

Tuir regras, Xefe Suku rejistu tiha fixa família tenke haruka ba Administradór Postu depois haruka ba Munisípiu hafoin entrega ba Ministériu Administrasaun Estatál. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items