Tuir informasaun ne’ebé www.tempotimor.co asesu iha pajina ofisiál AIFAESA.IP, katak, iha loron 17 fulan-janeiru tinan-2023, ékipa konjunta sira, hanesan, Ministériu Turizmu Komersiu no Industria (MTCI), Polísia Nasionál Servisu Investigasaun Kriminál (PNSIC), ALFÁNDEGA inklui Autoriedade Inspesaun no Fiskalizasaun Atividade Ekonómika Sanitária no Alimentár, Institutu Públiku (AIFAESA, I.P), ne’ebé lidera hosi Sub-Inspetór Jerál, Dionísio Neto da Silva, tersa-feira ohin, kontinua halo inspesaun ba empreza distributór sira iha Díli.
Maibé, ekipa konjunta husi PNSIC hamutuk ho ekipa sira hotu, hala'o ona selajem ba produtu ne’ebé empreza Timor Food fa'an, tanba konsidera halo espekulasaun presu.
Produtu hirak ne'e mak hanesan, masin-midár ho totál 1850 saka, enkuantu saka 72 mak empreza ne'e fa’an ona ba públiku. Alende ne'e mós tabaku ho marka Malboro mean ho aal kaixa 1.075.
Enkuantu, bebidas asukarada kompostu hosi fanta, coca cola, sprite, sagiko, big fanta, big cola, gress, milku no seluk tan hamutuk 5.955, husi totál refere iha bebida asukarada hamutuk kaixa 50-resin mak fa’an tiha ona hosi empreza. (*)
