Print this page

Responsavel ba Kompaña Reabilita Estrada Laga-Baguia Seidauk mai TL

By January 17, 2023 759
Diretór Servisu Diresaun MOP Baukau, Pedro Alexandre Guterres Perreira ko'alia hela ba mídia iha resintu administrasaun Baukau, Tersa (17/01). Diretór Servisu Diresaun MOP Baukau, Pedro Alexandre Guterres Perreira ko'alia hela ba mídia iha resintu administrasaun Baukau, Tersa (17/01). Foto Tomas Freitas

Tempotimor (Baukau)-Responsavel ka na’in ba kompaña Norinco internasionál cooporation, ne’ebé atu reabilita estrada husi Postu Administrativu Laga ba Baguia sei iha nasaun Xina, seidauk mai Timor-Leste (TL), tanba impata husi surtu Covid-19.

"Kompañia ida Laga-Baguia ne'e mak kompañia xineza foun, nia foin mak Over iha Dili, ne'ebé talvez situasaun iha nia rai Covid hela nia sai mai mak sei susar oituan, ne'e informasaun ne'ebé kolega sira husi nasionál hato'o", dehan Diretór Servisu Diresaun Ministéiru Obras Públiku (MOP) Baukau, Pedro Alexandre Guterres Perreira iha resintu Administrasaun Baukau, Tersa (17/01).

Enkuantu kompaña responsavel ba reabilitasaun estrada Uaiaka Kelikai ba Suku Nahareka Postu Administrativu Ossu, Munisípiu Vikeke, dadaun iha hela Timor, ne'ebé di'ak hela, maibé espera projeitu rua sei hahú iha tempu besik.

"Maibé ha'u rona, dentru fulan-fevreiru hanesan ne'e komesa servisu la'o ona", nia argumenta

Tanba, prosesu indiminizasaun ba komunidade afeitadu ba reabilitasaun estrada Laga-Baguia, Uaiaka-Kelikai hahú ona.

Projeitu refere, hahú lansa fatuk dahuluk husi Primeiru Ministru, Taur Matan Ruak, iha loron 09 fulan-dezembru tinan-2022.

Enkuantu estrada diresaun Laga-Baguia purvolta kilometru-38 ho luan metru-6 ne'ebé sei responsavél husi kompaña Norinco internasionál cooporation ho tipu reabilitasaun ho totál orsamentu millaun US$21.7.

Estrada Postu Kelikai ho distánsia kilometru-22.7 no nia luan metru-7 kompostu husi aspal metru-4, alargamentu metru-1 no drainajen metru-2, moru protesaun, sinais trafiku no kuda ai-oan ba fatin ne'ebé risku ba dezastre natural sira.

Durasaun ba reabilitasaun estrada refere fulan-18 ne'ebé responsavél husi kompaña Chongqing Internasionál Construction no supervizaun husi kompaña PY konsep perunding Sdn Bhd husi Malaysia ho durasaun kontratu fulan-18 no totál orsamentu US$452.122.00

Diresaun Nasionál Estrada, Pontes no Kontrolu Cheias Ministériu Obras Públiku (MOP) aloka orsamentu husi fundus infraestrutura tinan fiskal 2022 hamutuk US$16.547.661,76. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items