Login to your account

Username *
Password *
Remember Me

SEFOPE Despede tán Timoroan 50 atu ba Korea iha Loron 15 Janeiru

Kandidatu traballador na’in 50 foto hamutuk ho SEFOPE, Alarico de Rosario, reprezentante Embaixadór Korea Súl iha Timor-Leste, Jooyun Yang no Diretór DNEE, Filomeno Soares hafoin serimonia despedida iha salaun Timor Lodge Kumoro Dili, kinta (12/01). Kandidatu traballador na’in 50 foto hamutuk ho SEFOPE, Alarico de Rosario, reprezentante Embaixadór Korea Súl iha Timor-Leste, Jooyun Yang no Diretór DNEE, Filomeno Soares hafoin serimonia despedida iha salaun Timor Lodge Kumoro Dili, kinta (12/01). Foto Suplay

Tempotimor (Dili)-Ohin loron kinta 12 fulan-janeiru tinan 2023, Sekretária Estadu Formasaun Profisionál no Empregu (SEFOPE), Alarico de Rosario, hamutuk hó reprezentante Embaixadór Korea Súl iha Timor-Leste, Jooyun Yang no Diretór Diresaun Nasionál Empregu Exteriór (DNEE), Filomeno Soares, despede tán joven Timoroan na’in 50, atu ba servisu iha área peskas, iha Korea Súl.

Tuir informasaun ne’ebé www.tempotimor.com asesu iha pájina SEFOPE-Diresaun Nasional Empregu Exterior katak, serimonia ne’e hala’o iha salaun Timor Lodge Kumoro, no kandidatu traballador na’in 50 ne’e sei aranka ba Korea Súl iha loron 15 fulan-janeiru tinan 2023.

Nune’e, Sekretária Estadu Formasaun Profisionál no Empregu, Alarico de Rosario, apela ba joven Timoroan na’in 50 ne’ebé hetán tán oportunidade atu ba servisu iha Korea Súl área peskas nian, atu hatudu komportamentu servisu ne’ebé di’ak, respeita ema nia lei, kultura no mós labele halai ses husi sistema, nune’e bele hetán nafatin konfiansa husi empregadór sira iha Korea Súl.

Tanba, polítika Governu liu-husi SEFOPE haruka joven Timoroan ba servisu iha ema nia rain la’os de’it atu buka osan, maibé ba buka aprende tán esperensia foun hodi fila mai dezenvolve nasaun Timor-Leste.

Agradese ba Governu Korea Súl ne’ebé nafatin iha komitmentu hodi rekruta joven Timoroan sira ba hetán empregu iha Korea Súl hodi bele hadi’a sira nia ekonómia família no hasa’e kresimentu ekonomía nasaun.

Nune’e mós Diretór Diresaun Nasionál Empregu Exteriór, Filomeno Soares hatete, serimónia asina deklarasaun ne’e hanesan konkordansia ida ne’ebé família traballadór halo katak, aseita ita nia la’en, ka oan atu ba servisu iha Korea Súl la’os Governu maka obriga, nune’e mosu problema ruma parte rua iha hotu responsabilidade atu rezolve. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter