Tanba ne’e, Sekretária Estadu Formasaun Profisionál no Empregu (SEFOPE) liu-husi Diresaun Nasionál Empregu Exteriór (DNEE) ne’ebé servisu hamutuk hó KSLP (Korean Student Language Program) iha Timor-Leste, ohin segunda-feria (09/01) realiza ona Pre-luminary Training ba kandidatu traballadór Korea Súl na’in 211, iha salaun parokiál igreza Bekora.
Diretór Diresaun Nasionál Empregu Exteriór, Filomeno Soares hatete, atividade pre-luminary trainig hó objetivu atu hanorin kandidatu traballadór sira kona-ba kultura, disiplina no ambiente serbisu iha Korea Súl, nune’e sira bele hatene ambiente iha Korea Súl antes tama ba servisu.
Apela mós ba kandidatu traballadór na’in 211, ne’ebé hetan ona oportunidade ne’e, atu hadók aan husi ransu livre, no kuidadu saúde, tanbá atu ba servisu iha Korea Súl deteta moras hanesan sipilis, TBC, Hepatitis no halo krime sei halo kanselamentu.
Kandidatu trablladór sira ne’ebé tuir ona preleminary trainig durante loron lima, atu aproveita ho didi’ak hodi aprende, tanbá sesaun ida ne’e, sei lori ita boot sira ba hatene kultura no ambiente servisu iha Korea Súl.
Nune’e, kandidatu traballadór na’in 211 ne’e, iha tempu badak sei ba servisu iha Korea Súl no husu atu nafatin respeita ema nia lei, kultura, no labele halai ses husi sistema, hodi fasíl ba governu atu bele kontrola. (*)