Print this page

Grupu 16 Partisipa Kompetisaun Kulinária Ai-hán Lokál iha Feira Nasionál

By December 30, 2022 714
Grupu sira ne'ebe tuir kompetisaun Kulinaria hasai foto hamutuk iha Feira Nasional. Grupu sira ne'ebe tuir kompetisaun Kulinaria hasai foto hamutuk iha Feira Nasional. Foto Suplay

Tempotimor (Dili)-Empreza ka Grupu hamutuk 16 partisipa kompetisaun kulinária ai-hán lokál dader iha Feira Nasionál ne’ebé Organiza husi Ministériu Turizmu, Komérsiu no Indústria (MTKI), iha Portu Dili.

Tuir informasaun ne’ebé www.tempotimor.com, asesu husi pájina MTKI, sesta (30/12) katak, Vise Ministru Komérsiu no Indústria (VMKI), Domingos Lopes Antunes, hanesan Vise Prezidente Komisaun Organizadora hamutuk ho VMTKK, Ináçia da Conceição Texeira realiza atividade feira nasionál ne'ebé hala'o iha portu Dili.

Tanba ne’e, tuir despaxu Primeiru Ministru, Taur Matan Ruak nian organiza Feira Nasionál Promove Produto Lokál, hamutuk ho ekipa tékniku sira husi liña ministeriál organiza Kompetisaun Kulinária ba grupu sira hamutuk 16 iha feira Nasionál refere.

Empreza no grupu 16 partisipa iha kompetisaun hanesan Restorante Evol 24 husi Munisípiu Manatuto, Estudante UNTL, Estudante DIT, restorante New Mutiara husi Munisípiu Likisá, Restorante Rasi husi Munisípiu Ermera, Restorante Ernansavio Gody Vaze husi Munisípiu Ermera, Restorante Difranole husi Munisípiu Manatuto, Restorante Mozylia hudi Munisípiu Vikeké, restorante Dilicious Timor husi Munisípiu Baukau, restorante Blue Ocean, Grupu Klibur Foun, Grupu Gekar, restorante Alitosra, restorante Timor TOP.

Enkuantu Mana na’in ba kompetisaun ba ai-hán lokál refere, Primeiru Lugar, husi Estudante DIT ho totál valór 279, no hetan premiu Osan ho montante $1,500.00 no Segundo Lugar husi Blue Ocean no total valor 258, ho montante Osan $ 1,000.00 no Terseiru Lugar husi grupo Delicious Timor total Valor 238 ho montante osan $ 500.00 no Quatro Lugar husi Restorante Timor TOP total Valor 226 ho montanten osan $300.00

Kompetisaun ne'e ho objektivu atu promove produtu lokál no motiva empreza sira atu hasa'e sira nia koñesimentu hodi valoriza no konsumu ai-han lokál no promove liután negósiu kulinár ba turizmu.

Iha Kompetisaun ne'e partisipa husi Carlos Ximenes (DGI-MTKI), Cosme Fátima Baptista (DGC-MTCI), Jelino Soares (Diretór Jerál Turizmu), Diretór Ezekutivu CLN, Jacinto Paijo, ekipa tókniku sira husi liña ministeriál sira no grupu kulinária nomós partisipante no iha feira nasionál. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items