Login to your account

Username *
Password *
Remember Me

Governu Ezekuta OJE Billaun US$1.71 aas liu iha Istória Timor-Leste

Grafiku Ezekusaun Orsamentu Jeral Estadu durante ne'e. Grafiku Ezekusaun Orsamentu Jeral Estadu durante ne'e. Foto Suplay

Tempotimor (Dili)-Ezekusaun reál Orsamentu Jerál Estadu (OJE) Retifikativu 2022 ba Administrasaun Sentrál em termos nominál to’o iha loron sesta (30/12) atinje ona Billaun US$1,71 husi totál OJE Retifikativu Billaun US$2,2.

Tuir informasaun ne'ebé www.tempotimor.com asesu iha pájina ofisiál Ministériu Finansas, sesta (30/12) katak, valór nominál US$1,71 billlaun ne’e mak pela primeira vez aas liu iha istória Timor-Leste desde país ne’e restaura ninia Independénsia no konsege ultrapassa ezekusaun reál iha tinan 2016 iha ne’ebé Governu konsege ezekuta US$1,63 billaun.

Iha tinan 2017, 2018 no 2020, Timor-Leste hasoru kresimentu ekonómiku negativu kauza husi impasse polítiku ne’ebé naruk, pandemia Covid-19 no efeitu mudansa klimátika ne’ebé halo konke ekonomia monu ba negativu 8,3% iha 2020.

Maibé, iha tinan 2021, ekonomia Timor-Leste konsege krese ho kresimentu pozitivu 2,9%. Kresimentu pozitivu akontese tambá Oitavu Governu Konstitusionál trasa medidas importante sira hanesan: Apoiu ba Empregu; Moratoria de Crédito; Izensaun Propinas ba Estudantes Ensinu Superiór; Subsídiu Internet ba Estudantes Ensinu Superiór; Sosa Produtu Alimentár husi Produtór Lokál; Finansiamentu operasaun Sentru Integradu Jestaun Krize; Pagamentu traballadór liña-frente; inklui Pagamentu cesta básica.

Medidas hirak ne’e Governu trasa ho objetivu atu bele hakmaan situasaun sosiál no ekonomia empreza, traballadór, família sira no buka atu rekupera ekonomia.

Durante tinan rua ikus, ritmu ezekusaun OJE mós la’o di’ak ona tambá iha Estabilidade Polítika no Estabilidade Governativa ne’ebé fó biban ba aprovasaun Lei Enkuadramentu Orsamentu Jerál Estadu no Jestaun Finanseira Públikas no Dekretu Governu kona-ba Ezekusaun OJE hodi fasilita ezekusaun OJE 2022 ne’e rasik.

Iha tinan 2021, Governu konsege ezekuta $1,44 billaun. Ida-ne’e mak segundu mellór ezekusaun desde tinan 2016, maske Governu aplika restrisaun oioin ne'ebé limita sirkulasaun ema no sásan sira kauza husi pandemia Covid-19, Inundasaun no efeitu mudansa klimátika.

Ho ezekusaun reál OJE ne’ebé aas durante tinan rua ikus ne’e hatudu katak kapasidade ezekusaun orsamentál iha kada linhas ministeriais mós aumenta sa’e. Atu sustenta ritmu ezekusaun orsamentál ne’ebé aas ejize estabilidade polítika no estabilidade governativa inklui investimentu kontínuu iha área rekursus umanu, iha sistemas no enkuadramentu legál sira.

Bainhira iha Estabilidade Polítika no Estabilidade Governativa no ho ritmu ezekusaun orsamentál no kresimentu hanesan ne’e, maka ekonomia Timor-Leste sei bele rekupera totál iha tinan 2024 no país ne’e sei tama filafali ba iha trajetória kresimentu ekonómiku no dezenvolvimentu sosiál.

Akompaña nafatin ami-nia Pájina, ami sei kontinua públika Ezekusaun Orsamentál 2022 ba Setór Públiku Administrativu, RAEOA, Fundu Infraestrutura, no seluk tan. (*)

Rate this item
(0 votes)
Last modified on Friday, 30 December 2022 19:52
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter