Login to your account

Username *
Password *
Remember Me

Komunidade Afetadu ba Konstrusaun Edifísiu IPB Ejizi Indiminizasaun

Ekipa MESSK ho autoridade lokal hala'o hela dialogu ho komunidade afetadu 13 iha Suku Betanu, segunda (26/12). Ekipa MESSK ho autoridade lokal hala'o hela dialogu ho komunidade afetadu 13 iha Suku Betanu, segunda (26/12). Foto Suplay

Tempotimor (Dili)-Komunidade Uma-kain hamutuk 13 iha Suku Betano, Postu Administrativu Same, Munisípiu Manufahi, ne'ebé afeta ba konstrusaun edifísiu Institútu Politékniku Betanu (IPB) ejizi indiminizasaun ba Ministériu Ensinu Superior Siensia no Kultura (MESSK).

"Ami prontu oferese rai ne'e, maibé estadu tenki fo indeminizasaun ba ami nia ai-horis, uma inklui rai ne'ebé ami okupa", dehan Komunidade afetadu husi Aldeia Bemetan, Francisco Noronha, iha Suku Betanu, Segunda (26/12).

Komunidade afeitadu laiha intensaun atu impede prosesu konstrusaun, maibé husu governu atu rezolve indiminizasaun.

Komunidade afetadu, Constantino Vidigal da Costa konsidera rai ne'ebé dadaun uza ba edifísiu IPB ne'e, partense ba estadu, maibé uluk estadu mak autoriza komunidade hela iha rai ne'e, kleur ona no konsege kuda ai-horis sira.

Maibé, agora eatadu hakarak dada fali, tenki rekoñese ema sira ne'ebé hela kleur ona iha rai ne'e.

"Ami prontu oferese rai ne'e ba estadu hodi hala'o dezenvolmentu, maibé estadu tenki konsidera ami nia ai-horis no ami nia uma inklui rai ne'ebé ami hela", nia afirma.

Diretor Jerál Nasionál Estatístika husi MESSK, Mafaldo Lopes Victór esplika, levantamentu dadus ne'ebé antes ne'e ekipa rekoilla iha Betanu, estadu atu uza rai ektare 10.

"Kuandu iha ona konkordansia, ekipa levantamentu bele hahú ona foti dadus komunidade nia ai-horis, uma inklui rai ne'ebé komunidade sira hela, hodi aprezenta ba Ministériu hodi halo indeminizasaun ba komunidade nia-uma no ai-horis", nia dehan.

Maibé, atu fo indeminizasaun bazeia de'it ba justifikasaun husi Ministériu Justisa katak, komunidade mak na'in ba rai, ida-ne'e Governu iha obrigasaun fo indeminizasaun hotu.

 "Kuandu Ministériu justisa justifika katak, rai ne'e na'in ba estadu, entaun governu halo indeminizasaun de'it ba komunidade nia ai-horis no uma", nia hatete.

Administradór Munisipiu Manufahi, Arantes Isaac Sarmento hatete, kona-ba kestaun direitu ne'e, governu sei la halo ninia povu sai vítima, governu iha dever atu fo indeminizasaun ba komunidade nia ai-horis, uma inklui rai, bainhira Ministériu justisa justifika katak rai ne'e komunidade nian. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter