“Inan aman sira nafatin kuda, hanesan ohin ita-nia administradór Munisípiu hatete, tenke sai produtór nafatin lalika ta'uk”, dehan nia iha Sentru Asalainu, Suku Fuiluro, Postu Administrativu Lospalos, Munisípiu Lautein, segunda (31/10).
Tanba hakiak animál iha Munisípiu Lautein iha rai kualidade di'ak inklui kuda produtu lokál sira ne'ebé bele envolve iha programa Sesta Bázika.
Bainhira Komunidade kontinua haki'ak animál no produtu lokál halo barak Governu sei sosa hodi oferese ba estudante sira nomós pasiénte sira ne'ebé moras iha ospitál no ajente funsionáriu sira iha membru Governu inklui parte seguransa sira hanesan Polísia Nasionál Timor-Leste (PNTL) no FALINTIL-Forsa Defeza Timor-Leste (F-FDTL) iha Timor laran tomak.
“Kona-ba edukasaun, ita iha alunu hamutuk 500.000 mak eskola iha eskola públiku, no iha saúde oferese hahán ba ema sira iha ospitál, ema sira iha Komarka, ne'e merkadu mak ne'e”, informa nia.
Tanba dadaun ne'e SEKOOP asina ona nota entendimentu hi Care Internasionál hodi oferese merenda eskolar ba Munisípiu haat, hanesan Likisá, Ermera, Manatutu no Baukau iha tinan 2022.
Nune’e SEKOOP orienta katak, atu oferese hahán ba estudante sira iha Munisípiu haat ne'e tenke hola de'it hahán ne'ebé mak komunidade produtu iha rai laran tanba kria merkadu ba produtór sira.
Ba tinan 2023 sei habelar tan ba munisípiu sira ne'ebé mak seidauk hetan apoiu husi Care Internasionál iha Timor-Leste. (*)