"Ha'u husu obrigadu ba ami nia boot sira ne'ebé fó ona hahán ba ami, iha ami nia uma laran hamutuk ho hau ema na'in walu mak sei simu, ha'u sente sontente tanba sira bele fahe ona hahán ba ami", nia espresa iha Aldeia Parlamentu, Suku Tirilolo Postu Administrativu Baukau Vila, Munisípiu Baukau, kuarta (26/10).
Nia dehan, maske hahán sira ne'e konsumu la to'o tinan, maibé aguenta ona nia nesesidade ba semana ida nia laran.
Nune’e, Sekretáriu Estadu Kooperativa (SEKOOP), Elizário Ferreira, afirma, maske inan no aman sira simu ai-han lokál, han to'o tinan ida, maibé aguenta bele ona nesesidade uma laran.
Nia dehan, iplementasaun distribuisaun ai-han lokál liu husi programa Cesta Bázika faze daruak nian, sidadaun ne'ebé kada fulan simu salariu liu US$500 sei la simu.
"Lei agora ne'e diferente ho lei uluk, dadaun ne'e distribuisaun ba ema sira salariu mais US$500 sei la hetan", dehan nia.
Komunidade iha Suku Tirilolo ne'ebé sei simu Cesta Bázika ba faze daruak husi Sekretáriu Estadu Kooperativa hamutuk rihun 11.726 no hetan distribui husi Kompaña Montes Frere, Lda iha Munisípiu Baukau. (*)
