"Eeduka sai produtor di'ak, liuliu ba agrikultór sira ba peskas nian, ami nia prezensa iha ne'e grupu joven sira feto no mane organiza-aan iha grupu, parte SEKOOP bele suporta iha formasaun, oinsá atu harii Kooperativa no bele jere imi nia osan ho di'ak atu labele depende demais ba ema seluk", dehan SEKOOP, Elizário Ferreira hafoin partisipa koleta ikan Tilapia iha Suku Fatukahi, Postu Administrativu Fatuberliu, Munisípiu Manufahi, tersa (25/10).
Tanba, edukasaun mak bele forma ema bele asegura jestaun di'ak atu grupu peskadores sira sai duni ema peskador ne'ebé di'ak ho kualidade no fó benefisiu ekonómiku di'ak ba família rasik.
Nune’e, motiva grupu ne’ebé dadaun hahú kria ona grupu atu sidadaun Suku Fatukahi labele dependensia ba importasaun ikan husi rai li'ur.
Husu mós ba grupu haki’ak ikan, atu kria kondisaun ne'ebé di'ak sai fatin turizmu hodi atrai ema hotu.
Funsaun SEKOOP nian atu suporta grupu sira ho Edukasaun formasaun no informasaun no motiva grupu sira atu estabelese Kooperativa e alende ne'e mós kria kondisaun liu liu hanesan halo sede ba Kooperativa sira.
"Papel kooperativa nian atu organiza ema kria kooperativa serbisu hamutuk, oinsá atu buka benefísiu koletiva ba komunidade tomak", dehan nia.
Tuir nia, bainhira ema hotu kria servisu ba aan-rasik, sempre hasoru dezafiu, maibé ne’e hanesan motiva no aprende buat foun iha vida negósiu.
"La iha moru mak la rahun, la iha kriasaun ema nian mak perfeitu, tanba assuntu ne'ebé temi naran dezenvovimentu sempre iha melloramentu", nia dehan
Alende ne'e, Sekretáriu Estadu Kooperativa SEKOOP, Elizário Ferreira ho Sekretáriu Estadu Peskas (SEP), Elidio de Araújo asina ona memorandu ida oinsá servisu apoiu malu. (*)