"Progroma SEKOOP nian ba tinan 2023, sei promove programa prioridade haat iha tinan 2023, nu'udar merkadu ba produtor sira”, dehan nia iha Suku Luka, Postu Administrativu Vikeke Vila Munisípiu Vikeke, segunda (24/10)
Tanba ne’e, programa dahuluk promove kriasaun kooperativa agrikula, ne’ebé atu halibur agrikultúra nafatin kuda produtu, hodi oferese ba merkadu.
“Imi nia produtu nafatin folin, tanba ne'e husu ba komunidade labele baruk atu kuda, polítika programa VIII Governu nian, liu-liu papel SEKOOP ninia atu promove no buka merkadu produtor sira", nia subliña
Programa daruak, sei promove kooperativa pekuaria atu koopertiva ne'ebé haki’ak animal kria sustentabilidade hodi oferese ba merkadu iha rai laran.
Programa datoluk, promove edukasaun ba kooperativa peska sira, atu eduka komunidade sira haki’ak ikan, ne’ebé iha kualidade no fresku ba merkadu.
Programa dahaat, promove medisina verde iha Timor-Leste, atu minimiza ai-moruk kimiku sira.
"Tanba, uluk ita nia funu na'in uza aitalik hodi kura kanek sira, agora ita nia tempu uza ai-moruk kímiku hodi hemu no seluk tan, tanba ne'e Sekretária Estadu Kooperativa tau mós prioridade ba ida ne'e atu ita labele dependensia demais ba ai-moruk kímiku sira", dehan nia.
Nune’e, iha tinan 20223, Sekretária Estadu Kooperativa sei servisu hamutuk ho Governu Cuba hodi apoiu formasaun ba Kooperativa sira iha Timor-Leste, kona-ba programa medisina verde. (*)
