Tuir informasaunn ne’ebé www.tempotimor.com asesu iha pájina SEFOPE, Diretór Diresaun Nasionál Empregu Exteriór, Filomeno Soares hateten, serimónia asina deklarasaun ne’e hanesan parte ida atu fahe responsabilidade ba malu, kona-bá ita fen, la’en ka oan ne’ebé hetán oportunidade atu ba servisu iha Australia, nune’e mosu problema ruma liu-husi ita nia hakarak, parte rua iha hotu responsabilidade hodi rezolve.
Nia mós enkoraza joven timor-oan na’in-10, ne’ebé hetan ona oportunidade ne’e, ba servisu atu hatudu komportamentu ne’ebé di’ak, labele ses husi sistema, tanbá imi maka sai save atu empregadór sira bele emprega tán joven timor-oan sira ne’ebé hein hela oportunidade servisu.
Tanba, ba servisu iha Australia atu menan osan no hetan esperensia foun husi ema nia ra’in, nune’e fila mai bele diversifika ekonomia família no hasa’e kresimentu ekonomia nasaun Timor-Leste ni’an, tanba traballadór sira maka sai hanesan eroi ba dezenvolvimentu.
Aapela mós ba familia traballadór sira atu labele halo problema hodi fó presaun ba sira nia servisu, tanba servisu ne’ebé sira hasoru iha Australia todan tebes kompara hó ita nia nasaun, nune’e karik traballadór sira haruka osan mai atu utiliza hó didi’ak. (*)