Sekretáriu Estadu Kooperativa SEKOOP, Elizário Ferreira, fó parabéns ba estrutura CU MAHAIROF ne'ebé konsege harii Komunidade iha Kooperativa iha Suku Hatulia Vila Postu Hatulia A iha Munisípiu Ermera.
"Hau fó parabens ba Xefe Suku Hatulia Vila, tanba bele lidera meja asembleia jerál, bele mobiliza komunidade sira iha Suku laran hodi involve-an iha Cooperatuvas refere, inklui Cooperativa refere hala'o tiha atividade durante tinan tolu resin no ohin ita formaliza Cooperativa deit" dehan nia iha Sede Kooperativa CU MAHAIROF, Postu Hatulia A, Munisípiu Ermera, sábadu (30/09).
Nune’e husu ba Prezidente Eleito CU MAHAIROF, atu badinas buka membru Kooperativa no atinje ona Membru 250, CU MAHAIROF hato'o pedidu husu osan ba sede Kooperativa ne'ebé SEKOOP prepara orsamentu rihun ida (US$1.000) ba kada Kooperativa ne'ebé atinje membru 250 ba leten.
Prezidente Eleito CU MAHAIROF, Carlos Martins hateten, hafoin simu posse no promete sei tau responsável másimu ba Kooperativa CU MAHAIROF bainhira hasoru difikuldade ruma.
"Hanesan dirijente ba Kooperativa sei buka solusaun, sai responsabilidade ba Kooperativa ida ne'e, bainhira hasoru dezafius ruma karik ha'u bele responsável ba Kooperativa ne'e hodi susesu di'ak liu tan", dehan nia.
Kréditu Uniaun Hamutuk Rai Osan ba Futuru CU MAHAIROF (rai no Empresta osan) no dadaun membru hamutuk 32 ho nia orsamentu rihun rua-resin (US$2.000). (*)