Login to your account

Username *
Password *
Remember Me

Programa Cesta Bázika Foin Komunidade Senti Povu Kuda Governu Sosa

Komunidade Lahomea, Postu Administrativu Maliana, Munisípiu Bobonaru, simu hela produtu lokál. Komunidade Lahomea, Postu Administrativu Maliana, Munisípiu Bobonaru, simu hela produtu lokál. Foto Suplay

Tempotimor (Dili)-Xefe Suku Lahomea, Postu Administrativu Maliana, Munisípiu Bobonaru, Cerilio Mauleto Lopes, hatete, programa Cesta Bázika, ne’ebé governu sosa hahan lokál hodi fahe ba povu mak komunidade foin senti politika povu kuda governu sosa.

Tanba, produtu lokál ne’ebé governu sosa husi povu no fahe fali ba bovu, nune’e komunidade konsidera programa Cesta Bázika ne’ebé oferese husi VIII Governu Konstitusional liu husi Ministériu Turismu, Komérsiu no Indústria (MTKI) ba povu iha Suku Suku Lahomea konsidera katak, programa cesta bázika nu’udar programa ne’ebé mai husi povu ba povu no fila ba povu, tanba fó benefisiu direta ba povu.

Komunidade husi Suku Lahomea simu ona ai-han bázika ba faze daruak no kontenti wainhira hetan ai-han hirak ne'e.

Chefi Suku Lahomea, informa iha Suku Lahomea komunidade barak mak hein atu simu ai-han ne’ebé oferese husi Governu, tanba komunidade nia nesesidade la hanesan.

"Ita-nia komunidade nia nesesidade la hanesan, tanba ne’e komunidade barak mak presiza hela ai-han hirak ne'e, nune’e bele augenta moris ba loron ida rua nia laran", dehan nia liu husi komunikadu ne’ebé www.tempotimor.com asesu iha pajina espesial MTKI, kinta (29/09).

Nia mós konsidera programa Cesta Bázika bele motiva agrikultór sira no programa ne’e foin mak povu sente katak, povu kuda governu sosa, husi governasaun sira anterior estabelese programa ne’e, maibé laiha kontinuasaun, iha VIII Governu konstitusional hamosu programa oinoin hodi insentiva povu agrikultór hasa’e produsaun aihan lokál depois governu sosa.

Rui Caeiro nu’udar benefisiáriu ba programa cesta bázika, hateten, programa ne’e uluk ho agora la hanesan, tanba agora ne’e komunidade hetan sasan barak tebes.

"Ami kontenti, tanba simu ai-han sira ne’e barak liu no la hanesan uluk, uluk Ami hetan na'an uituan de’it, maibé agora kompaña fó barak tebes ba ami", nia afirma.

Tanba ne’e, husu ba Governu atu kontinua implementa programa ne’e ba oin, nune’e bele ajuda komunidade sira nia nesesidade no bele motiva liutan komunidade sira nia badinas atu produs produtu barak liutan.

"Husu ba Governu atu kontinua implementa programa Cesta Bazika, tanba programa Cesta Bázika bele fó benefisiu direta mai ami no motiva tebes ami atu produz barak liután ami-nia produtu", nia dehan

Iha sorin seluk, benefisiária Santina da Cruz husi Aldeia Lahomea kontenti tebes wainhira simu ai-han ne’e, tanba bele tulun ona nesesidade uma laran nian.

"Ha’u kontenti simu ai-han sira ne’e uituan ka barak ami tenki simu, tanba ai-han ne’e bele ajuda ona ami nia nesesidade uma laran ba loron ida rua", nia hatete

Benefisiáriu aproximadamente kabazes 5.841 kompostu husi aldeia lima, item ne’ebé mak empreza fahe hamutuk 19 ho produtu ne’ebé mak fresku.

Entretantu Diretór empreza MAHLIVA, informa, sira nia preparasaun durante ne’e la’o di’ak no tuir duni kontratu husi governu, nune’e sira esforsu hodi fahe produtu tuir regulamentu husi governu katak 75% produtu lokál.

“Produtu lokál maioria ha’u hola husi Maliana hamutuk karau 26, fos sosa husi Suai no Vikeke, tomate sosa husi Venilale no Laga, hudi sosa husiVikeke, repollu, feuk, talas ha’u sosa husi malukagrikultór sira iha Maliana, manu-tolun sosa husi Tibar no produtu sira ne’ebé ha’u temi sosa cash kedas (lunas-red). Durante sosa produtu sira ne’e, ita nia komunidade agrikultór sira kontente tebes, tanba sira benefisia, tanba ha’u tun direitamente ba agrikultór sira”, nia afirma.

Kompaña la’os de’it sosa sasan, maibé rekruta mós ema hodi apoiu prosesu distribuisaun liuliu prepara produtu Cesta Básica.

“Iha Suku Lahomea ha’u fó servisu bae ma sira ne’ebé mak prepara no foti sasan hamutuk na’in-15, oho karau na’in-12, sira kontente, tanba ita fó servisu ba sira no simu tán Cesta Bázika”, nia dehan. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter