Adjuntu Prezidente Autoridade Munisípiu Díli, António Moniz Clau husu ba inan aman sira ne'ebé fa'an sasán (Vendedor) iha Largo Lecidere atu servisu hamutuk hodi hamoos jardim Largo Lecidere hodi kontinua moos.
"Primeiru hakarak hateten, ba ita boot sira ne'ebé fa'an sasán iha ne'e, Governu la bandu ita boot sira fa'an iha ne'e atu buka moris, maibé hanesan Timoraoan hanesan sidadaun ne'ebé hela iha Dili la'ós atu fa'an de'it, maibé iha responsabilidade atu kontribui ajuda Autoridade Munisípiu Dili tau matan ba assuntu sira, limpeza, asegura limpeza iha ita nia Jardin Largo Lecidere", nia avizu ba Vendedor sira iha Largo Lecidere, tersa (27/09).
Sidadaun sira ne'ebé buka moris iha Sidade Dili tenke atribui serbisu, tanba Largo Lecidere ne'e ema autoridade Nasional no Internasional sira mak halo paseiu iha Jardin refere.
"Tanba dalan ida ne'e ita nia na'i ulun boboot sira mak liu", dehan nia.
Nia mós husu ba inan aman sira, bainhira estudante ka ema ne'ebé pasa ferias iha Jardin atu hola sasán, tenke fó hanoin ba sira atu labele soe fo'er arbiru iha Largo Lecidere. (*)
